7. йаккхапан̃хо

7. ‘‘бханте на̄гасена, аттхи локе йаккха̄ на̄ма̄’’ти? ‘‘а̄ма, маха̄ра̄джа, аттхи локе йаккха̄ на̄ма̄’’ти. ‘‘чаванти пана те, бханте, йаккха̄ тамха̄ йонийа̄’’ти? ‘‘а̄ма, маха̄ра̄джа, чаванти те йаккха̄ тамха̄ йонийа̄’’ти. ‘‘кисса пана, бханте на̄гасена, тесам̣ мата̄нам̣ йаккха̄нам̣ сарӣрам̣ на диссати, кун̣апагандхопи на ва̄йатӣ’’ти? ‘‘диссати, маха̄ра̄джа, мата̄нам̣ йаккха̄нам̣ сарӣрам̣, кун̣апагандхопи тесам̣ ва̄йати, мата̄нам̣, маха̄ра̄джа, йаккха̄нам̣ сарӣрам̣ кӣт̣аван̣н̣ена ва̄ диссати, кимиван̣н̣ена ва̄ диссати, кипилликаван̣н̣ена ва̄ диссати, пат̣ан̇гаван̣н̣ена ва̄ диссати, ахиван̣н̣ена ва̄ диссати, виччхикаван̣н̣ена ва̄ диссати, сатападиван̣н̣ена ва̄ диссати, диджаван̣н̣ена ва̄ диссати, мигаван̣н̣ена ва̄ диссатӣ’’ти. ‘‘ко хи, бханте на̄гасена, ан̃н̃о идам̣ пан̃хам̣ пут̣т̣хо висаджджеййа ан̃н̃атра тава̄дисена буддхимата̄’’ти.

йаккхапан̃хо саттамо.