14. сукхумапан̃хо

14. ра̄джа̄ а̄ха ‘‘бханте на̄гасена, сакка̄ саббам̣ сукхумам̣ чхиндиту’’нти? ‘‘а̄ма, маха̄ра̄джа, сакка̄ саббам̣ сукхумам̣ чхиндиту’’нти. ‘‘ким̣ пана, бханте, саббам̣ сукхума’’нти? ‘‘дхаммо кхо, маха̄ра̄джа, саббасукхумо, на кхо, маха̄ра̄джа, дхамма̄ саббе сукхума̄, ‘сукхума’нти ва̄ ‘тхӯла’нти ва̄ дхамма̄наметамадхивачанам̣. йам̣ кин̃чи чхиндитаббам̣, саббам̣ там̣ пан̃н̃а̄йа чхиндати, наттхи дутийам̣ пан̃н̃а̄йа чхедана’’нти.

‘‘каллоси, бханте на̄гасена̄’’ти.

сукхумапан̃хо чуддасамо.