1. буддхасса аттхинаттхибха̄вапан̃хо

1. ра̄джа̄ а̄ха ‘‘бханте на̄гасена, буддхо тайа̄ дит̣т̣хо’’ти? ‘‘на хи, маха̄ра̄джа̄’’ти. ‘‘атха те а̄чарийехи буддхо дит̣т̣хо’’ти? ‘‘на хи, маха̄ра̄джа̄’’ти. ‘‘тена хи, бханте на̄гасена, наттхи буддхо’’ти. ‘‘ким̣ пана, маха̄ра̄джа, химавати ӯха̄ надӣ тайа̄ дит̣т̣ха̄’’ти? ‘‘на хи, бханте’’ти. ‘‘атха те питара̄ ӯха̄ надӣ дит̣т̣ха̄’’ти? ‘‘на хи, бханте’’ти. ‘‘тена хи, маха̄ра̄джа, наттхи ӯха̄ надӣ’’ти. ‘‘аттхи, бханте, кин̃ча̄пи майа̄ ӯха̄ надӣ на дит̣т̣ха̄, питара̄пи ме ӯха̄ надӣ на дит̣т̣ха̄, апи ча аттхи ӯха̄ надӣ’’ти. ‘‘евамева кхо, маха̄ра̄джа, кин̃ча̄пи майа̄ бхагава̄ на дит̣т̣хо, а̄чарийехипи ме бхагава̄ на дит̣т̣хо, апи ча аттхи бхагава̄’’ти.

‘‘каллоси, бханте на̄гасена̄’’ти.

буддхасса аттхинаттхибха̄вапан̃хо пат̣хамо.