3. кот̣ипан̃н̃а̄йанапан̃хо

3. ра̄джа̄ а̄ха ‘‘бханте на̄гасена, йам̣ панетам̣ брӯси ‘пурима̄ кот̣и на пан̃н̃а̄йатӣ’ти, катама̄ ча са̄ пурима̄ кот̣ӣ’’ти? ‘‘йо кхо, маха̄ра̄джа, атӣто аддха̄, еса̄ пурима̄ кот̣ӣ’’ти. ‘‘бханте на̄гасена, йам̣ панетам̣ брӯси ‘пурима̄ кот̣и на пан̃н̃а̄йатӣ’ти, ким̣ пана, бханте, сабба̄пи пурима̄ кот̣и на пан̃н̃а̄йатӣ’’ти? ‘‘ка̄чи, маха̄ра̄джа, пан̃н̃а̄йати, ка̄чи на пан̃н̃а̄йатӣ’’ти. ‘‘катама̄, бханте, пан̃н̃а̄йати, катама̄ на пан̃н̃а̄йатӣ’’ти? ‘‘ито пуббе, маха̄ра̄джа, саббена саббам̣ саббатха̄ саббам̣ авиджджа̄ на̄хосӣти еса̄ пурима̄ кот̣и на пан̃н̃а̄йати, йам̣ ахутва̄ самбхоти, хутва̄ пат̣ивигаччхати, есапа пурима̄ кот̣и пан̃н̃а̄йатӣ’’ти.

‘‘бханте на̄гасена, йам̣ ахутва̄ самбхоти, хутва̄ пат̣ивигаччхати, нану там̣ убхато чхиннам̣ аттхам̣ гаччхатӣ’’ти? ‘‘йади, маха̄ра̄джа, убхато чхиннам̣ аттхам̣ гаччхати, убхато чхинна̄ сакка̄ вад̣д̣хету’’нти? ‘‘а̄ма, са̄пи сакка̄ вад̣д̣хету’’нти.’’на̄хам̣, бханте, етам̣ пуччха̄ми кот̣ито сакка̄ вад̣д̣хету’’нти? ‘‘а̄ма сакка̄ вад̣д̣хету’’нти.

‘‘опаммам̣ карохӣ’’ти. тхеро тасса руккхӯпамам̣ ака̄си, кхандха̄ ча кеваласса дуккхаккхандхасса бӣджа̄нӣ’’ти.

‘‘каллоси, бханте на̄гасена̄’’ти.

кот̣ипан̃н̃а̄йанапан̃хо татийо.