434. чаккава̄каджа̄такам̣ (8)

69. ка̄са̄йаваттхе сакун̣е вада̄ми, дуве дуве нандамане [нандимане (сӣ. пӣ.)] чаранте;

кам̣ ан̣д̣аджам̣ ан̣д̣аджа̄ ма̄нусесу, джа̄тим̣ пасам̣санти тадин̇гха брӯтха.

70. амхе мануссесу мануссахим̣са, ануббате [анупуббаке (ка.)] чаккава̄ке ваданти;

калйа̄н̣абха̄вамхе [бха̄ва’мха (сӣ. пӣ.)] диджесу саммата̄, абхирӯпа̄ [абхӣтарӯпа̄ (сӣ. сйа̄. пӣ.)] вичара̄ма ан̣н̣аве. ( ) [(на гха̄сахетӯпи карома па̄пам̣) (ка.)]

71. ким̣ ан̣н̣аве ка̄ни пхала̄ни бхун̃дже, мам̣сам̣ куто кха̄датха чаккава̄ка̄;

ким̣ бходжанам̣ бхун̃джатха во анома̄ [абхин̣хам̣ (ка.)], балан̃ча ван̣н̣о ча анаппарӯпа̄ [анаппарӯпо (сӣ. сйа̄. пӣ.)].

72. на ан̣н̣аве санти пхала̄ни дхан̇ка, мам̣сам̣ куто кха̄дитум̣ чаккава̄ке;

сева̄лабхаккхамха [бхаккхимха (ка.)] апа̄н̣абходжана̄ [ава̄кабходжана̄ (сӣ. пӣ.)], на гха̄сахетӯпи карома па̄пам̣.

73. на ме идам̣ руччати чаккава̄ка, асмим̣ бхаве бходжанасанника̄со;

ахоси пуббе тато ме ан̃н̃атха̄, иччева ме вимати еттха джа̄та̄.

74. ахампи мам̣са̄ни пхала̄ни бхун̃дже, анна̄ни ча лон̣ийателийа̄ни;

расам̣ мануссесу лабха̄ми бхоттум̣, сӯрова сан̇га̄мамукхам̣ виджетва̄;

на ча ме та̄дисо ван̣н̣о, чаккава̄ка йатха̄ тава.

75. асуддхабхаккхоси кхан̣а̄нупа̄тӣ, киччхена те лаббхати аннапа̄нам̣;

на туссасӣ руккхапхалехи дхан̇ка, мам̣са̄ни ва̄ йа̄ни суса̄намаджджхе.

76. йо са̄хасена адхигамма бхоге, парибхун̃джати дхан̇ка кхан̣а̄нупа̄тӣ;

тато упаккосати нам̣ сабха̄во, упаккут̣т̣хо ван̣н̣абалам̣ джаха̄ти.

77. аппампи че ниббутим̣ бхун̃джатӣ йади, аса̄хасена апарӯпагха̄тӣ [аса̄хасена̄нупагха̄тино (ка.)];

балан̃ча ван̣н̣о ча тадасса хоти, на хи саббо а̄ха̄рамайена ван̣н̣оти.

чаккава̄каджа̄такам̣ ат̣т̣хамам̣.