431. харитачаджа̄такам̣ (5)

40. сутам̣ метам̣ маха̄брахме, ка̄ме бхун̃джати ха̄рито;

каччетам̣ вачанам̣ туччхам̣, каччи суддхо ириййаси.

41. еваметам̣ маха̄ра̄джа, йатха̄ те вачанам̣ сутам̣;

куммаггам̣ пат̣ипанносми, моханеййесу муччхито.

42. аду [а̄ду (сӣ. пӣ.)] пан̃н̃а̄ киматтхийа̄, нипун̣а̄ са̄дхучинтинӣ [чинтанӣ (сӣ. пӣ.)];

йа̄йа уппатитам̣ ра̄гам̣, ким̣ мано на винодайе.

43. чатта̄роме маха̄ра̄джа, локе атибала̄ бхуса̄;

ра̄го досо мадо мохо, йаттха пан̃н̃а̄ на га̄дхати.

44. араха̄ сӣласампанно, суддхо чарати ха̄рито;

медха̄вӣ пан̣д̣ито чева, ити но саммато бхавам̣.

45. медха̄вӣнампи хим̣санти, исим̣ дхаммагун̣е ратам̣;

витакка̄ па̄пака̄ ра̄джа, субха̄ ра̄гӯпасам̣хита̄.

46. уппанна̄йам̣ сарӣраджо, ра̄го ван̣н̣авидӯсано тава;

там̣ паджаха бхаддаматтху те, бахунна̄си медха̄висаммато.

47. те андхака̄раке [каран̣е (сӣ. сйа̄. пӣ.)] ка̄ме, бахудуккхе маха̄висе;

тесам̣ мӯлам̣ гавесиссам̣, чхеччхам̣ ра̄гам̣ сабандханам̣.

48. идам̣ ватва̄на ха̄рито, иси саччапараккамо;

ка̄мара̄гам̣ вира̄джетва̄, брахмалокӯпаго ахӯти.

харитачаджа̄такам̣ [ха̄ритаджа̄такам̣ (сӣ. пӣ.)] пан̃чамам̣.