432. падакусалама̄н̣аваджа̄такам̣ (6)

49. бахуссутам̣ читтакатхим̣ [читтакатхам̣ (сйа̄. ка.)], ган̇га̄ вахати па̄т̣алим̣ [па̄т̣алам̣ (сӣ. пӣ.)];

вуйхама̄нака бхадданте, екам̣ ме дехи га̄тхакам̣ [гӣтакам̣ (ка. ат̣т̣ха.)].

50. йена син̃чанти дуккхитам̣, йена син̃чанти а̄турам̣;

тасса маджджхе марисса̄ми, джа̄там̣ саран̣ато бхайам̣.

51. йаттха бӣджа̄ни рӯханти, сатта̄ йаттха патит̣т̣хита̄;

са̄ ме сӣсам̣ нипӣл̣ети, джа̄там̣ саран̣ато бхайам̣.

52. йена бхатта̄ни паччанти, сӣтам̣ йена вихан̃н̃ати;

со мам̣ д̣ахати [дайхати (ка.)] гатта̄ни, джа̄там̣ саран̣ато бхайам̣.

53. йена бхуттена [бхаттена (сйа̄. ка.)] йа̄пенти, путхӯ бра̄хман̣акхаттийа̄;

со мам̣ бхутто бйа̄па̄дети, джа̄там̣ саран̣ато бхайам̣.

54. гимха̄нам̣ паччхиме ма̄се, ва̄тамиччханти пан̣д̣ита̄;

со мам̣ [со ме (сӣ. пӣ.)] бхан̃джати гатта̄ни, джа̄там̣ саран̣ато бхайам̣.

55. йам̣ ниссита̄ джагатирухам̣, сва̄йам̣ аггим̣ памун̃чати;

диса̄ бхаджатха ваккан̇га̄, джа̄там̣ саран̣ато бхайам̣.

56. йама̄найим̣ соманассам̣, ма̄линим̣ чандануссадам̣;

са̄ мам̣ гхара̄ ниччхубхати [нӣхарати (сӣ. сйа̄.)], джа̄там̣ саран̣ато бхайам̣.

57. йена джа̄тена нандиссам̣, йасса ча бхавамиччхисам̣;

со мам̣ гхара̄ ниччхубхати [нӣхарати (сӣ. сйа̄.)], джа̄там̣ саран̣ато бхайам̣.

58. сун̣анту ме джа̄напада̄, негама̄ ча сама̄гата̄;

йатодакам̣ тада̄диттам̣, йато кхемам̣ тато бхайам̣.

59. ра̄джа̄ вилумпате рат̣т̣хам̣, бра̄хман̣о ча пурохито;

аттагутта̄ вихаратха, джа̄там̣ саран̣ато бхайанти.

падакусалама̄н̣аваджа̄такам̣ чхат̣т̣хам̣.