419. суласа̄джа̄такам̣ (3)

18. идам̣ суван̣н̣ака̄йӯрам̣, мутта̄ вел̣урийа̄ бахӯ;

саббам̣ харассу бхадданте, ман̃ча да̄сӣти са̄вайа.

19. оропайассу калйа̄н̣и, ма̄ ба̄л̣хам̣ [бахум̣ (сӣ. сйа̄. пӣ.)] паридеваси;

на ча̄хам̣ абхиджа̄на̄ми, ахантва̄ дханама̄бхатам̣.

20. йато сара̄ми атта̄нам̣, йато патта̄сми вин̃н̃утам̣;

на ча̄хам̣ абхиджа̄на̄ми, ан̃н̃ам̣ пийатарам̣ тайа̄.

21. ехи там̣ упагӯхиссам̣ [упагуйхиссам̣ (ка.)], кариссан̃ча падаккхин̣ам̣;

на хи да̄ни пуна аттхи, мама туйхан̃ча сан̇гамо.

22. на хи саббесу т̣ха̄несу, пурисо хоти пан̣д̣ито;

иттхӣпи пан̣д̣ита̄ хоти, таттха таттха вичаккхан̣а̄.

23. на хи саббесу т̣ха̄несу, пурисо хоти пан̣д̣ито;

иттхӣпи пан̣д̣ита̄ хоти, лахум̣ аттхам̣ вичинтика̄ [лахуматтхавичинтика̄ (сӣ. пӣ.)].

24. лахун̃ча вата кхиппан̃ча, никат̣т̣хе самачетайи;

мигам̣ пун̣н̣а̄йатенева [пун̣н̣а̄йатанева (сйа̄.)], суласа̄ саттукам̣ вадхи.

25. йодха уппатитам̣ аттхам̣, на кхиппаманубуджджхати;

со хан̃н̃ати мандамати, чорова гиригаббхаре.

26. йо ча уппатитам̣ аттхам̣, кхиппамева нибодхати;

муччате саттусамба̄дха̄, суласа̄ саттука̄мива̄ти.

суласа̄джа̄такам̣ татийам̣.