418. ат̣т̣хасаддаджа̄такам̣ (2)

10. идам̣ пуре ниннама̄ху, бахумаччхам̣ маходакам̣;

а̄ва̄со бакара̄джасса, петтикам̣ бхаванам̣ мама;

тйаджджа бхекена [бхин̇гена (ка.)] йа̄пема, окам̣ на ваджаха̄масе [окантам̣ на джаха̄масе (ка.)].

11. ко дутийам̣ асӣлисса, бандхарассаккхи бхеччхати [бхеджджати (сӣ. сйа̄. пӣ.), бхиндати (ка.)];

ко ме путте кула̄вакам̣, ман̃ча соттхим̣ кариссати.

12. сабба̄ париккхайа̄ пхеггу, йа̄ва тасса̄ гатӣ аху;

кхӣн̣абхаккхо маха̄ра̄джа, са̄ре на раматӣ гхун̣о.

13. са̄ нӯна̄хам̣ ито гантва̄, ран̃н̃о мутта̄ нивесана̄;

атта̄нам̣ рамайисса̄ми, думаса̄кханикетинӣ.

14. со нӯна̄хам̣ ито гантва̄, ран̃н̃о мутто нивесана̄;

аггодака̄ни писса̄ми, йӯтхасса пурато ваджам̣.

15. там̣ мам̣ ка̄мехи самматтам̣, раттам̣ ка̄месу муччхитам̣;

а̄найӣ бхарато [ванато (ка.)] луддо, ба̄хико бхаддаматтху те.

16. андхака̄ратимиса̄йам̣, тун̇ге упарипаббате;

са̄ мам̣ сан̣хена мудуна̄, ма̄ па̄дам̣ кхали [кхан̣и (сӣ. сйа̄. пӣ.)] йасмани.

17. асам̣сайам̣ джа̄тикхайантадассӣ, на габбхасеййам̣ пунара̄ваджиссам̣;

айамантима̄ паччхима̄ габбхасеййа̄ [айам̣ хи ме антима̄ габбхасеййа̄ (сӣ. пӣ.)], кхӣн̣о ме сам̣са̄ро пунаббхава̄йа̄ти.

ат̣т̣хасаддаджа̄такам̣ дутийам̣.