406. гандха̄раджа̄такам̣ (7-2-1)

76. хитва̄ га̄масахасса̄ни, парипун̣н̣а̄ни сол̣аса;

кот̣т̣ха̄га̄ра̄ни пхӣта̄ни, саннидхим̣ да̄ни куббаси.

77. хитва̄ гандха̄рависайам̣, пахӯтадханадха̄рийам̣ [дха̄нийам̣ (сӣ. пӣ.), дхан̃н̃анти аттхо];

паса̄санато [паса̄санито (сӣ. сйа̄.), паса̄сана̄то (пӣ.)] никкханто, идха да̄ни паса̄саси.

78. дхаммам̣ бхан̣а̄ми ведеха, адхаммо ме на руччати;

дхаммам̣ ме бхан̣ама̄насса, на па̄памупалимпати.

79. йена кеначи ван̣н̣ена, паро лабхати руппанам̣;

махаттхийампи че ва̄чам̣, на там̣ бха̄сеййа пан̣д̣ито.

80. ка̄мам̣ руппату ва̄ ма̄ ва̄, бхусам̣ва викирӣйату;

дхаммам̣ ме бхан̣ама̄насса, на па̄памупалимпати.

81. но че асса сака̄ буддхи, винайо ва̄ сусиккхито;

ване андхамахим̣сова [андхамахисова (сӣ. пӣ.)] чареййа бахуко джано.

82. йасма̄ ча панидхекачче, а̄черамхи [а̄ча̄рамхи (сӣ. пӣ.)] сусиккхита̄;

тасма̄ винӣтавинайа̄, чаранти сусама̄хита̄ти.

гандха̄раджа̄такам̣ пат̣хамам̣.