407. маха̄капиджа̄такам̣ (7-2-2)

83. атта̄нам̣ сан̇камам̣ катва̄, йо соттхим̣ самата̄райи;

ким̣ твам̣ тесам̣ киме [кимо (сӣ. пӣ.), ким̣ ме (сйа̄.)] туйхам̣, хонти ете [хете (сйа̄.), со те (ка.)] маха̄капи.

84. ра̄джа̄хам̣ иссаро тесам̣, йӯтхасса париха̄рако;

тесам̣ сокапарета̄нам̣, бхӣта̄нам̣ те ариндама.

85. уллан̇гхайитва̄ [са лан̇гхайитва̄ (пӣ.), сулан̇гхайитва̄ (ка.)] атта̄нам̣, виссат̣т̣хадхануно сатам̣;

тато апарапа̄десу, дал̣хам̣ бандхам̣ лата̄гун̣ам̣.

86. чхиннаббхамива ва̄тена, нун̣н̣о [нунно (сӣ.)] руккхам̣ упа̄гамим̣;

сохам̣ аппабхавам̣ таттха, са̄кхам̣ хаттхехи аггахим̣.

87. там̣ мам̣ вийа̄йатам̣ сантам̣, са̄кха̄йа ча лата̄йа ча;

самануккаманта̄ па̄дехи, соттхим̣ са̄кха̄мига̄ гата̄.

88. там̣ мам̣ на тапате бандхо, мато [вадхо (сӣ. сйа̄. пӣ.)] ме на тапессати;

сукхама̄харитам̣ тесам̣, йесам̣ раджджамака̄райим̣.

89. еса̄ те упама̄ ра̄джа, там̣ сун̣охи ариндама [аттхасандассанӣ ката̄ (пӣ.)];

ран̃н̃а̄ рат̣т̣хасса йоггасса, баласса нигамасса ча;

саббесам̣ сукхамет̣т̣хаббам̣, кхаттийена паджа̄ната̄ти.

маха̄капиджа̄такам̣ дутийам̣.