387. сӯчиджа̄такам̣ (6-2-2)

82. акаккасам̣ апхарусам̣, кхарадхотам̣ супа̄сийам̣;

сукхумам̣ тикхин̣агган̃ча, ко сӯчим̣ кетумиччхати.

83. сумаджджан̃ча супа̄сан̃ча, анупуббам̣ [анупубба (сӣ. сйа̄.)] суват̣т̣итам̣;

гханагха̄тимам̣ пат̣итхаддхам̣, ко сӯчим̣ кетумиччхати.

84. ито да̄ни пата̄йанти, сӯчийо бал̣иса̄ни ча;

койам̣ камма̄рага̄масмим̣, сӯчим̣ виккетумиччхати.

85. ито саттха̄ни гаччханти, камманта̄ вивидха̄ путхӯ;

койам̣ камма̄рага̄масмим̣, сӯчим̣ виккетумиччхати [марахати (сӣ. сйа̄. пӣ.)].

86. сӯчим̣ камма̄рага̄масмим̣, виккетабба̄ паджа̄ната̄;

а̄чарийа̄ва джа̄нанти [а̄чарийа̄ сан̃джа̄нанти (ка.), а̄чарийа̄ паджа̄нанти (сйа̄.), а̄чарийа̄ва сан̃джа̄нанти (пӣ.)], каммам̣ сукатадуккат̣ам̣ [дуккатам̣ (сӣ. пӣ.)].

87. имам̣ че [иман̃ча (сӣ. сйа̄. пӣ.)] те пита̄ бхадде, сӯчим̣ джан̃н̃а̄ майа̄ катам̣;

тайа̄ ча мам̣ нимантеййа, йан̃чаттхан̃н̃ам̣ гхаре дхананти.

сӯчиджа̄такам̣ дутийам̣.