378. дарӣмукхаджа̄такам̣ (6-1-3)

14. пан̇ко ча ка̄ма̄ палипо ча ка̄ма̄, бхайан̃ча метам̣ тимӯлам̣ павуттам̣;

раджо ча дхӯмо ча майа̄ пака̄сита̄, хитва̄ тувам̣ паббаджа брахмадатта.

15. гадхито [гатхито (сӣ.)] ча ратто ча адхимуччхито ча, ка̄месвахам̣ бра̄хман̣а бхим̣сарӯпам̣;

там̣ нуссахе джӣвикаттхо паха̄тум̣, ка̄ха̄ми пун̃н̃а̄ни анаппака̄ни.

16. йо аттхака̄масса хита̄нукампино, оваджджама̄но на кароти са̄санам̣;

идамева сеййо ити ман̃н̃ама̄но, пунаппунам̣ габбхамупети мандо.

17. со гхорарӯпам̣ нирайам̣ упети, субха̄субхам̣ муттакарӣсапӯрам̣;

сатта̄ сака̄йе на джаханти гиддха̄, йе хонти ка̄месу авӣтара̄га̄.

18. мӣл̣хена литта̄ рухирена маккхита̄, семхена литта̄ упаниккхаманти;

йам̣ йан̃хи ка̄йена пхусанти та̄ваде, саббам̣ аса̄там̣ дукхамева кевалам̣.

19. дисва̄ вада̄ми на хи ан̃н̃ато савам̣, пуббенива̄сам̣ бахукам̣ сара̄ми;

читра̄хи га̄тха̄хи субха̄сита̄хи, дарӣмукхо ниджджха̄пайи сумедханти.

дарӣмукхаджа̄такам̣ татийам̣.