365. ахитун̣д̣икаджа̄такам̣ (5-2-5)

80. дхуттомхи самма сумукха, джӯте аккхапара̄джито;

харехи [севехи (пӣ.)] амбапакка̄ни, вӣрийам̣ те бхаккхайа̄масе.

81. аликам̣ вата мам̣ самма, абхӯтена пасам̣саси;

ко те суто ва̄ дит̣т̣хо ва̄, сумукхо на̄ма маккат̣о.

82. аджджа̄пи ме там̣ манаси [те мам̣ сараси (ка.)], йам̣ мам̣ твам̣ ахитун̣д̣ика;

дхан̃н̃а̄пан̣ам̣ пависитва̄, матто [мутто (ка.)] чха̄там̣ хана̄си мам̣.

83. та̄хам̣ сарам̣ дуккхасеййам̣, апи раджджампи ка̄райе;

нева̄хам̣ йа̄чито даджджам̣, татха̄ хи бхайатаджджито.

84. йан̃ча джан̃н̃а̄ куле джа̄там̣, габбхе титтам̣ амаччхарим̣;

тена сакхин̃ча миттан̃ча, дхӣро сандха̄тумарахатӣти.

ахитун̣д̣икаджа̄такам̣ пан̃чамам̣.