363. хириджа̄такам̣ (5-2-3)

70. хирим̣ тарантам̣ виджигуччхама̄нам̣, тава̄хамасмӣ ити бха̄сама̄нам̣;

сеййа̄ни камма̄ни ана̄дийантам̣, несо маманти ити нам̣ виджан̃н̃а̄.

71. йан̃хи кайира̄ тан̃хи ваде, йам̣ на кайира̄ на там̣ ваде;

акаронтам̣ бха̄сама̄нам̣, париджа̄нанти пан̣д̣ита̄.

72. на со митто йо сада̄ аппаматто, бхеда̄сан̇кӣ рандхамева̄нупассӣ;

йасмин̃ча сетӣ урасӣва путто, са ве митто йо абхеджджо парехи.

73. па̄моджджакаран̣ам̣ т̣ха̄нам̣, пасам̣са̄ваханам̣ сукхам̣;

пхала̄нисам̣со бха̄вети, ваханто порисам̣ дхурам̣.

74. павивекарасам̣ питва̄, расам̣ упасамасса ча;

ниддаро хоти ниппа̄по, дхаммаппӣтирасам̣ пиванти.

хириджа̄такам̣ татийам̣.