357. лат̣укикаджа̄такам̣ (5-1-7)

39. ванда̄ми там̣ кун̃джара сат̣т̣хиха̄йанам̣, а̄ран̃н̃акам̣ йӯтхапатим̣ йасассим̣;

паккхехи там̣ пан̃джаликам̣ кароми, ма̄ ме вадхӣ путтаке дуббала̄йа.

40. ванда̄ми там̣ кун̃джара екача̄рим̣, а̄ран̃н̃акам̣ паббатаса̄нугочарам̣;

паккхехи там̣ пан̃джаликам̣ кароми, ма̄ ме вадхӣ путтаке дуббала̄йа;

41. вамисса̄ми те лат̣укике путтака̄ни, ким̣ ме тувам̣ ка̄хаси дуббала̄си;

сатам̣ сахасса̄нипи та̄дисӣнам̣, ва̄мена па̄дена папотхайеййам̣.

42. на хева саббаттха балена киччам̣, балан̃хи ба̄ласса вадха̄йа хоти;

карисса̄ми те на̄гара̄джа̄ анаттхам̣, йо ме вадхӣ путтаке дуббала̄йа.

43. ка̄кан̃ча пасса лат̣укикам̣, ман̣д̣ӯкам̣ нӣламаккхикам̣;

ете на̄гам̣ агха̄тесум̣, пасса верасса веринам̣;

тасма̄ хи верам̣ на кайира̄тха, аппийенапи кеначӣти.

лат̣укикаджа̄такам̣ саттамам̣.