352. суджа̄таджа̄такам̣ (5-1-2)

6. ким̣ ну сантарама̄нова, ла̄йитва̄ харитам̣ тин̣ам̣;

кха̄да кха̄да̄ти лапаси, гатасаттам̣ джараггавам̣.

7. на хи аннена па̄нена, мато гон̣о самут̣т̣хахе;

тван̃ча туччхам̣ вилапаси, йатха̄ там̣ думматӣ татха̄.

8. татхева тит̣т̣хати сӣсам̣, хаттхапа̄да̄ ча ва̄ладхи;

сота̄ татхева тит̣т̣ханти [со та̄та татхева тит̣т̣хати (ка.)], ман̃н̃е гон̣о самут̣т̣хахе.

9. неваййакасса сӣсан̃ча [сӣсам̣ ва̄ (сӣ. сйа̄. пӣ.)], хаттхапа̄да̄ ча диссаре;

рудам̣ маттикатхӯпасмим̣, нану тван̃н̃ева думмати.

10. а̄диттам̣ вата мам̣ сантам̣, гхатаситтам̣ва па̄вакам̣;

ва̄рина̄ вийа осин̃чам̣ [осин̃чи (ка.)], саббам̣ нибба̄пайе дарам̣.

11. аббахӣ [аббӯл̣хам̣ (сӣ. сйа̄.), аббхӯл̣хам̣ (ка.)] вата ме саллам̣, йама̄си хадайасситам̣ [сокам̣ хадайанисситам̣ (сӣ. сйа̄.)];

йо ме сокапаретасса, питу сокам̣ апа̄нуди.

12. сохам̣ аббӯл̣хасаллосми, вӣтасоко ана̄вило;

на соча̄ми на рода̄ми, тава сутва̄на ма̄н̣ава.

13. евам̣ каронти саппан̃н̃а̄, йе хонти анукампака̄;

виниваттенти сокамха̄, суджа̄то питарам̣ йатха̄ти.

суджа̄таджа̄такам̣ дутийам̣.