305. сӣлавӣмам̣санаджа̄такам̣ (4-1-5)

17. наттхи локе рахо на̄ма, па̄пакаммам̣ пакуббато;

пассанти ванабхӯта̄ни, там̣ ба̄ло ман̃н̃атӣ рахо.

18. ахам̣ рахо на пасса̄ми, сун̃н̃ам̣ ва̄пи на виджджати;

йаттха ан̃н̃ам̣ [сун̃н̃ам̣ (сйа̄. ка.)] на пасса̄ми, асун̃н̃ам̣ хоти там̣ майа̄.

19. дуджджаччо ча суджаччо [аджаччо (пӣ.)] ча, нандо ча сукхавад̣д̣хито [сукхаваччхако (сӣ.), сукхаваччхано (сйа̄. пӣ.)];

веджджо ча аддхувасӣло [атха сӣло (ка.)] ча, те дхаммам̣ джаху маттхика̄.

20. бра̄хман̣о ча катхам̣ джахе, саббадхамма̄на па̄рагӯ;

йо дхаммаманупа̄лети, дхитима̄ саччаниккамоти.

сӣлавӣмам̣санаджа̄такам̣ пан̃чамам̣.