269. суджа̄таджа̄такам̣ (3-2-9)

55. на хи ван̣н̣ена сампанна̄, ман̃джука̄ пийадассана̄;

кхарава̄ча̄ пийа̄ хоти, асмим̣ локе парамхи ча.

56. нану пассасимам̣ ка̄л̣им̣, дуббан̣н̣ам̣ тилака̄хатам̣;

кокилам̣ сан̣хава̄чена, бахӯнам̣ па̄н̣инам̣ пийам̣.

57. тасма̄ сакхилава̄часса, мантабха̄н̣ӣ ануддхато;

аттхам̣ дхамман̃ча дӣпети, мадхурам̣ тасса бха̄ситанти.

суджа̄таджа̄такам̣ навамам̣.