200. са̄дхусӣладжа̄такам̣ (2-5-10)

99. сарӣрадабйам̣ вуд̣д̣хабйам̣ [ваддхабйам̣ (сӣ. пӣ.)], соджаччам̣ са̄дхусӣлийам̣;

бра̄хман̣ам̣ тева пуччха̄ма, канну тесам̣ ванимхасе [ван̣имхасе (сӣ. пӣ.)].

100. аттхо аттхи сарӣрасмим̣, вуд̣д̣хабйасса намо каре;

аттхо аттхи суджа̄тасмим̣, сӣлам̣ асма̄ка руччатӣти.

са̄дхусӣладжа̄такам̣ дасамам̣.

рухакавагго пан̃чамо.

тассудда̄нам̣ –

апирухака рӯпаватӣ мусало, павасанти сапан̃чамапоккхаран̣ӣ;

атха муттимава̄н̣иджа умхайате, чираа̄гата кот̣т̣ха сарӣра даса̄ти.