500. сирӣмантаджа̄такам̣ (4)

83. пан̃н̃а̄йупетам̣ сирийа̄ вихӣнам̣, йасассинам̣ ва̄пи апетапан̃н̃ам̣;

пуччха̄ми там̣ сенака етаматтхам̣, каметтха сеййо кусала̄ ваданти.

84. дхӣра̄ ча ба̄ла̄ ча хаве джанинда, сиппӯпапанна̄ ча асиппино ча;

суджа̄тимантопи аджа̄тимасса, йасассино песакара̄ [пессакара̄ (сӣ. пӣ.)] бхаванти;

етампи дисва̄на ахам̣ вада̄ми, пан̃н̃о нихӣно сирӣма̄ва [сирима̄ва (сӣ. сйа̄. пӣ.)] сеййо.

85. тувампи пуччха̄ми аномапан̃н̃а, махосадха кеваладхаммадасси;

ба̄лам̣ йасассим̣ пан̣д̣итам̣ аппабхогам̣, каметтха сеййо кусала̄ ваданти.

86. па̄па̄ни камма̄ни кароти ба̄ло [каронти ба̄ла̄ (сйа̄. ка.)], идхамева [идамева (сйа̄. ка. ат̣т̣ха.), имамева (ка.)] сеййо ити ман̃н̃ама̄но [ман̃н̃ама̄на̄ (сйа̄. ка.)];

идхалокадассӣ паралокамадассӣ, убхайаттха ба̄ло калимаггахеси;

етампи дисва̄на ахам̣ вада̄ми, пан̃н̃ова сеййо на йасасси ба̄ло.

87. на сиппаметам̣ видадха̄ти бхогам̣, на бандхува̄ [на бандхава̄ (сӣ. сйа̄. ка.)] на сарӣраван̣н̣о йо [на сарӣра̄вака̄со (сӣ. сйа̄. пӣ.)];

пассел̣амӯгам̣ сукхамедхама̄нам̣, сирӣ хи нам̣ бхаджате горавиндам̣ [горимандам̣ (сӣ. пӣ.)];

етампи дисва̄на ахам̣ вада̄ми, пан̃н̃о нихӣно сирӣма̄ва сеййо.

88. ладдха̄ сукхам̣ маджджати аппапан̃н̃о, дуккхена пхут̣т̣хопи памохамети;

а̄гантуна̄ дуккхасукхена пхут̣т̣хо, паведхати ва̄ричарова гхамме;

етампи дисва̄на ахам̣ вада̄ми, пан̃н̃ова сеййо на йасасси ба̄ло.

89. думам̣ йатха̄ са̄дупхалам̣ аран̃н̃е, самантато самабхисаранти [самабхичаранти (сӣ. пӣ.)] паккхӣ;

евампи ад̣д̣хам̣ садханам̣ сабхогам̣, бахуджджано бхаджати аттхахету;

етампи дисва̄на ахам̣ вада̄ми, пан̃н̃о нихӣно сирӣма̄ва сеййо.

90. на са̄дху балава̄ ба̄ло, са̄хаса̄ виндате дханам̣;

кандантаметам̣ думмедхам̣, кад̣д̣ханти нирайам̣ бхусам̣;

етампи дисва̄на ахам̣ вада̄ми, пан̃н̃ова сеййо на йасасси ба̄ло.

91. йа̄ ка̄чи наджджо ган̇гамабхиссаванти, сабба̄ва та̄ на̄маготтам̣ джаханти;

ган̇га̄ самуддам̣ пат̣ипаджджама̄на̄, на кха̄йате иддхим̣ пан̃н̃опи локе [иддхипаро хи локе (ка. сӣ. сйа̄.), иддхипаро хи локо (сӣ. пӣ. ат̣т̣ха.)];

етампи дисва̄на ахам̣ вада̄ми, пан̃н̃о нихӣно сирӣма̄ва сеййо.

92. йаметамаккха̄ удадхим̣ махантам̣, саванти наджджо саббака̄ламасан̇кхйам̣;

со са̄гаро ниччамул̣а̄равего, велам̣ на аччети маха̄самуддо.

93. евампи ба̄ласса паджаппита̄ни, пан̃н̃ам̣ на аччети сирӣ када̄чи;

етампи дисва̄на ахам̣ вада̄ми, пан̃н̃ова сеййо на йасасси ба̄ло.

94. асан̃н̃ато чепи паресаматтхам̣, бхан̣а̄ти сандха̄нагато [сан̣т̣ха̄нагато (сйа̄. пӣ.), сантха̄нагато (сӣ.)] йасассӣ;

тассева там̣ рӯхати н̃а̄тимаджджхе, сирӣ хи нам̣ [сирихӣнам̣ (сӣ. ка.), сирӣхӣнам̣ (сйа̄. пӣ.)] ка̄райате на пан̃н̃а̄ [на пан̃н̃о (сӣ.), на пан̃н̃ам̣ (сйа̄. ка.)];

етампи дисва̄на ахам̣ вада̄ми, пан̃н̃о нихӣно сирӣма̄ва сеййо.

95. парасса ва̄ аттано ва̄пи хету, ба̄ло муса̄ бха̄сати аппапан̃н̃о;

со ниндито хоти сабха̄йа маджджхе, паччха̄пи [печчампи (сӣ. пӣ.), печча̄пи (?)] со дуггатига̄мӣ хоти;

етампи дисва̄на ахам̣ вада̄ми, пан̃н̃ова сеййо на йасасси ба̄ло.

96. аттхампи че бха̄сати бхӯрипан̃н̃о, ана̄л̣хийо [ана̄лайо (пӣ.)] аппадхано далиддо;

на тасса там̣ рӯхати н̃а̄тимаджджхе, сирӣ ча пан̃н̃а̄н̣авато на хоти;

етампи дисва̄на ахам̣ вада̄ми, пан̃н̃о нихӣно сирӣма̄ва сеййо.

97. парасса ва̄ аттано ва̄пи хету, на бха̄сати аликам̣ бхӯрипан̃н̃о;

со пӯджито хоти сабха̄йа маджджхе, паччха̄пи со суггатига̄мӣ хоти;

етампи дисва̄на ахам̣ вада̄ми, пан̃н̃ова сеййо на йасасси ба̄ло.

98. хаттхӣ гавасса̄ ман̣икун̣д̣ала̄ ча, тхийо ча иддхесу кулесу джа̄та̄;

сабба̄ва та̄ упабхога̄ бхаванти, иддхасса посасса аниддхиманто;

етампи дисва̄на ахам̣ вада̄ми, пан̃н̃о нихӣно сирӣма̄ва сеййо.

99. асам̣вихитакаммантам̣, ба̄лам̣ думмедхамантинам̣;

сирӣ джахати думмедхам̣, джин̣н̣ам̣ва ураго тачам̣;

етампи дисва̄на ахам̣ вада̄ми, пан̃н̃ова сеййо на йасасси ба̄ло.

100. пан̃ча пан̣д̣ита̄ майам̣ бхадданте, саббе пан̃джалика̄ упат̣т̣хита̄;

твам̣ но абхибхуййа иссароси, саккова бхӯтапати девара̄джа̄;

етампи дисва̄на ахам̣ вада̄ми, пан̃н̃о нихӣно сирӣма̄ва сеййо.

101. да̄сова пан̃н̃асса йасасси ба̄ло, аттхесу джа̄тесу татха̄видхесу;

йам̣ пан̣д̣ито нипун̣ам̣ сам̣видхети, саммохама̄паджджати таттха ба̄ло;

етампи дисва̄на ахам̣ вада̄ми, пан̃н̃ова сеййо на йасасси ба̄ло.

102. аддха̄ хи пан̃н̃а̄ва сатам̣ пасаттха̄, канта̄ сирӣ бхогарата̄ манусса̄;

н̃а̄н̣ан̃ча буддха̄наматулйарӯпам̣, пан̃н̃ам̣ на аччети сирӣ када̄чи.

103. йам̣ там̣ апуччхимха акиттайӣ но, махосадха кеваладхаммадассӣ;

гавам̣ сахассам̣ усабхан̃ча на̄гам̣, а̄джан̃н̃айутте ча ратхе даса име;

пан̃хасса веййа̄каран̣ена тут̣т̣хо, дада̄ми те га̄мавара̄ни сол̣аса̄ти.

сирӣмантаджа̄такам̣ [сиримандаджа̄такам̣ (сӣ. сйа̄. пӣ.)] чатуттхам̣.