5. упапариккхасуттам̣

94. вуттан̃хетам̣ бхагавата̄, вуттамарахата̄ти ме сутам̣ –

‘‘татха̄ татха̄, бхиккхаве, бхиккху упапариккхеййа йатха̄ йатха̄сса [йатха̄ йатха̄ (бахӯсу)] упапариккхато бахиддха̄ часса вин̃н̃а̄н̣ам̣ авиккхиттам̣ ависат̣ам̣ аджджхаттам̣ асан̣т̣хитам̣ анупа̄да̄йа на паритассеййа. бахиддха̄, бхиккхаве, вин̃н̃а̄н̣е авиккхитте ависат̣е сати аджджхаттам̣ асан̣т̣хите анупа̄да̄йа апаритассато а̄йатим̣ джа̄тиджара̄маран̣адуккхасамудайасамбхаво на хотӣ’’ти. етаматтхам̣ бхагава̄ авоча. таттхетам̣ ити вуччати –

‘‘саттасан̇гаппахӣнасса, неттиччхиннасса бхиккхуно;

виккхӣн̣о джа̄тисам̣са̄ро, наттхи тасса пунаббхаво’’ти.

айампи аттхо вутто бхагавата̄, ити ме сутанти. пан̃чамам̣.