1. витаккасуттам̣

80. вуттан̃хетам̣ бхагавата̄, вуттамарахата̄ти ме сутам̣ –

‘‘тайоме, бхиккхаве, акусалавитакка̄. катаме тайо? анаван̃н̃аттипат̣исам̣йутто витакко, ла̄бхасакка̄расилокапат̣исам̣йутто витакко, пара̄нуддайата̄пат̣исам̣йутто витакко. име кхо, бхиккхаве, тайо акусалавитакка̄’’ти. етаматтхам̣ бхагава̄ авоча. таттхетам̣ ити вуччати –

‘‘анаван̃н̃аттисам̣йутто, ла̄бхасакка̄рага̄раво;

саханандӣ амаччехи, а̄ра̄ сам̣йоджанаккхайа̄.

‘‘йо ча путтапасум̣ хитва̄, вива̄хе сам̣хара̄ни [сан̇гаха̄ни (ка. сӣ. сйа̄. пӣ.)] ча;

бхаббо со та̄дисо бхиккху, пхут̣т̣хум̣ самбодхимуттама’’нти.

айампи аттхо вутто бхагавата̄, ити ме сутанти. пат̣хамам̣.