9. дутийанакуханасуттам̣

36. вуттан̃хетам̣ бхагавата̄, вуттамарахата̄ти ме сутам̣ –

‘‘найидам̣, бхиккхаве, брахмачарийам̣ вуссати джанакуханаттхам̣, на джаналапанаттхам̣, на ла̄бхасакка̄расилока̄нисам̣саттхам̣, на ‘ити мам̣ джано джа̄на̄тӯ’ти. атха кхо идам̣, бхиккхаве, брахмачарийам̣ вуссати абхин̃н̃аттхан̃чева парин̃н̃аттхан̃ча̄’’ти. етаматтхам̣ бхагава̄ авоча. таттхетам̣ ити вуччати –

‘‘абхин̃н̃аттхам̣ парин̃н̃аттхам̣, брахмачарийам̣ анӣтихам̣;

адесайи со бхагава̄, нибба̄ногадхага̄минам̣.

‘‘еса магго махаттехи, ануйа̄то махесибхи;

йе йе там̣ пат̣ипаджджанти, йатха̄ буддхена деситам̣;

дуккхассантам̣ кариссанти, саттхуса̄санака̄рино’’ти.

айампи аттхо вутто бхагавата̄, ити ме сутанти. навамам̣.