2. надӣкассапаттхераапада̄нам̣

29. ‘‘падумуттарасса бхагавато, локаджет̣т̣хасса та̄дино;

пин̣д̣ача̄рам̣ чарантасса, ва̄рато уттамам̣ йасам̣;

аггапхалам̣ гахетва̄на, ада̄сим̣ саттхуно ахам̣.

30. ‘‘тена каммена девиндо, локаджет̣т̣хо нара̄сабхо;

сампаттомхи ачалам̣ т̣ха̄нам̣, хитва̄ джайапара̄джайам̣.

31. ‘‘сатасахассито каппе, йам̣ пхалам̣ ададим̣ тада̄;

дуггатим̣ на̄бхиджа̄на̄ми, аггада̄нассидам̣ пхалам̣.

32. ‘‘килеса̄ джха̄пита̄ майхам̣…пе… вихара̄ми ана̄саво.

33. ‘‘сва̄гатам̣ вата ме а̄си…пе… катам̣ буддхасса са̄санам̣.

34. ‘‘пат̣исамбхида̄ чатассо…пе… катам̣ буддхасса са̄санам̣’’.

иттхам̣ судам̣ а̄йасма̄ надӣкассапо тхеро има̄ га̄тха̄йо

абха̄ситтха̄ти.

надӣкассапаттхерасса̄пада̄нам̣ дутийам̣.