4. аббхан̃джанада̄йакаттхераапада̄нам̣

24. ‘‘нагаре бандхуматийа̄, ра̄джуййа̄не васа̄махам̣;

чаммава̄сӣ тада̄ а̄сим̣, каман̣д̣алудхаро ахам̣.

25. ‘‘аддасам̣ вималам̣ буддхам̣, сайамбхум̣ апара̄джитам̣;

падха̄нам̣ пахитаттам̣ там̣, джха̄йим̣ джха̄наратам̣ васим̣ [исим̣ (сйа̄.)].

26. ‘‘саббака̄масамиддхин̃ча, огхатин̣н̣амана̄савам̣;

дисва̄ пасанно сумано, аббхан̃джанамада̄сахам̣.

27. ‘‘еканавутито каппе, йам̣ да̄намададим̣ тада̄;

дуггатим̣ на̄бхиджа̄на̄ми, аббхан̃джанассидам̣ пхалам̣.

28. ‘‘килеса̄ джха̄пита̄ майхам̣…пе… вихара̄ми ана̄саво.

29. ‘‘сва̄гатам̣ вата ме а̄си…пе… катам̣ буддхасса са̄санам̣.

30. ‘‘пат̣исамбхида̄ чатассо…пе… катам̣ буддхасса са̄санам̣’’.

иттхам̣ судам̣ а̄йасма̄ аббхан̃джанада̄йако тхеро има̄ га̄тха̄йо

абха̄ситтха̄ти.

аббхан̃джанада̄йакаттхерасса̄пада̄нам̣ чатуттхам̣.