52. пхалада̄йакавагго

1. куран̃чийапхалада̄йакаттхераапада̄нам̣

1. ‘‘мигалуддо пуре а̄сим̣, випине вичарам̣ ахам̣;

аддасам̣ вираджам̣ буддхам̣, саббадхамма̄на па̄рагум̣.

2. ‘‘куран̃чийапхалам̣ гайха, буддхасет̣т̣хассада̄сахам̣;

пун̃н̃аккхеттасса та̄дино, пасанно сехи па̄н̣ибхи.

3. ‘‘екатим̣се ито каппе, йам̣ пхалам̣ ададим̣ тада̄;

дуггатим̣ на̄бхиджа̄на̄ми, пхалада̄нассидам̣ пхалам̣.

4. ‘‘килеса̄ джха̄пита̄ майхам̣, бхава̄ саббе самӯхата̄;

на̄гова бандханам̣ чхетва̄, вихара̄ми ана̄саво.

5. ‘‘сва̄гатам̣ вата ме а̄си, буддхасет̣т̣хасса сантике;

тиссо виджджа̄ ануппатта̄, катам̣ буддхасса са̄санам̣.

6. ‘‘пат̣исамбхида̄ чатассо, вимоккха̄пи ча ат̣т̣химе;

чхал̣абхин̃н̃а̄ саччхиката̄, катам̣ буддхасса са̄санам̣’’.

иттхам̣ судам̣ а̄йасма̄ куран̃чийапхалада̄йако тхеро има̄

га̄тха̄йо абха̄ситтха̄ти.

куран̃чийапхалада̄йакаттхерасса̄пада̄нам̣ пат̣хамам̣.

2. капиттхапхалада̄йакаттхераапада̄нам̣

7. ‘‘суван̣н̣аван̣н̣ам̣ самбуддхам̣, а̄хутӣнам̣ пат̣иггахам̣;

ратхийам̣ пат̣ипаджджантам̣, капиттхам̣ [капит̣т̣хам̣ (сйа̄.)] ададим̣ пхалам̣.

8. ‘‘еканавутито каппе, йам̣ пхалам̣ ададим̣ тада̄;

дуггатим̣ на̄бхиджа̄на̄ми, пхалада̄нассидам̣ пхалам̣.

9. ‘‘килеса̄ джха̄пита̄ майхам̣…пе… вихара̄ми ана̄саво.

10. ‘‘сва̄гатам̣ вата ме а̄си…пе… катам̣ буддхасса са̄санам̣.

11. ‘‘пат̣исамбхида̄ чатассо…пе… катам̣ буддхасса са̄санам̣’’.

иттхам̣ судам̣ а̄йасма̄ капиттхапхалада̄йако тхеро има̄

га̄тха̄йо абха̄ситтха̄ти.

капиттхапхалада̄йакаттхерасса̄пада̄нам̣ дутийам̣.

3. косамбапхалийаттхераапада̄нам̣

12. ‘‘какудхам̣ виласантам̣ва, девадевам̣ нара̄сабхам̣;

ратхийам̣ пат̣ипаджджантам̣, косамбам̣ [косумбам̣ (сӣ. сйа̄. пӣ.)] ададим̣ тада̄.

13. ‘‘екатим̣се ито каппе, йам̣ пхалам̣ ададим̣ тада̄;

дуггатим̣ на̄бхиджа̄на̄ми, пхалада̄нассидам̣ пхалам̣.

14. ‘‘килеса̄ джха̄пита̄ майхам̣…пе… вихара̄ми ана̄саво.

15. ‘‘сва̄гатам̣ вата ме а̄си…пе… катам̣ буддхасса са̄санам̣.

16. ‘‘пат̣исамбхида̄ чатассо…пе… катам̣ буддхасса са̄санам̣’’.

иттхам̣ судам̣ а̄йасма̄ косамбапхалийо тхеро има̄ га̄тха̄йо

абха̄ситтха̄ти.

косамбапхалийаттхерасса̄пада̄нам̣ татийам̣.

4. кетакапуппхийаттхераапада̄нам̣

17. ‘‘вината̄надийа̄ тӣре, виха̄си пурисуттамо;

аддасам̣ вираджам̣ буддхам̣, екаггам̣ сусама̄хитам̣.

18. ‘‘мадхугандхасса пуппхена, кетакасса ахам̣ тада̄;

пасанначитто сумано, буддхасет̣т̣хамапӯджайим̣.

19. ‘‘еканавутито каппе, йам̣ пуппхамабхипӯджайим̣;

дуггатим̣ на̄бхиджа̄на̄ми, буддхапӯджа̄йидам̣ пхалам̣.

20. ‘‘килеса̄ джха̄пита̄ майхам̣…пе… вихара̄ми ана̄саво.

21. ‘‘сва̄гатам̣ вата ме а̄си…пе… катам̣ буддхасса са̄санам̣.

22. ‘‘пат̣исамбхида̄ чатассо…пе… катам̣ буддхасса са̄санам̣’’.

иттхам̣ судам̣ а̄йасма̄ кетакапуппхийо тхеро има̄ га̄тха̄йо

абха̄ситтха̄ти.

кетакапуппхийаттхерасса̄пада̄нам̣ чатуттхам̣.

5. на̄гапуппхийаттхераапада̄нам̣

23. ‘‘суван̣н̣аван̣н̣ам̣ самбуддхам̣, а̄хутӣнам̣ пат̣иггахам̣;

ратхийам̣ пат̣ипаджджантам̣, на̄гапуппхам̣ апӯджайим̣.

24. ‘‘еканавутито каппе, йам̣ пуппхамабхипӯджайим̣;

дуггатим̣ на̄бхиджа̄на̄ми, буддхапӯджа̄йидам̣ пхалам̣.

25. ‘‘килеса̄ джха̄пита̄ майхам̣…пе… вихара̄ми ана̄саво.

26. ‘‘сва̄гатам̣ вата ме а̄си…пе… катам̣ буддхасса са̄санам̣.

27. ‘‘пат̣исамбхида̄ чатассо…пе… катам̣ буддхасса са̄санам̣’’.

иттхам̣ судам̣ а̄йасма̄ на̄гапуппхийо тхеро има̄ га̄тха̄йо

абха̄ситтха̄ти.

на̄гапуппхийаттхерасса̄пада̄нам̣ пан̃чамам̣.

6. аджджунапуппхийаттхераапада̄нам̣

28. ‘‘чандабха̄га̄надӣтӣре, ахосим̣ киннаро тада̄;

аддасам̣ вираджам̣ буддхам̣, сайамбхум̣ апара̄джитам̣.

29. ‘‘пасанначитто сумано, ведаджа̄то катан̃джалӣ;

гахетва̄ аджджунам̣ пуппхам̣, сайамбхум̣ абхипӯджайим̣.

30. ‘‘тена каммена сукатена, четана̄пан̣идхӣхи ча;

джахитва̄ киннарам̣ дехам̣, та̄ватим̣самагаччхахам̣.

31. ‘‘чхаттим̣саккхаттум̣ девиндо, девараджджамака̄райим̣;

дасаккхаттум̣ чаккаваттӣ, маха̄раджджамака̄райим̣.

32. ‘‘падесараджджам̣ випулам̣, ган̣ана̄то асан̇кхийам̣;

сукхетте ваппитам̣ бӣджам̣, сайамбхумхи ахо мама [ахоси ме (сйа̄.)].

33. ‘‘кусалам̣ виджджате майхам̣, паббаджим̣ анага̄рийам̣;

пӯджа̄рахо ахам̣ аджджа, сакйапуттасса са̄сане.

34. ‘‘килеса̄ джха̄пита̄ майхам̣…пе… вихара̄ми ана̄саво.

35. ‘‘сва̄гатам̣ вата ме а̄си…пе… катам̣ буддхасса са̄санам̣.

36. ‘‘пат̣исамбхида̄ чатассо…пе… катам̣ буддхасса са̄санам̣’’.

иттхам̣ судам̣ а̄йасма̄ аджджунапуппхийо тхеро има̄ га̄тха̄йо

абха̄ситтха̄ти.

аджджунапуппхийаттхерасса̄пада̄нам̣ чхат̣т̣хам̣.

7. кут̣аджапуппхийаттхераапада̄нам̣

37. ‘‘химавантасса̄видӯре, васало [ча̄вало (сӣ. пӣ.), аччайо (сйа̄.)] на̄ма паббато;

буддхо судассано на̄ма, васате паббатантаре.

38. ‘‘пуппхам̣ хемавантам̣ гайха, веха̄сам̣ агама̄сахам̣;

таттхаддаса̄сим̣ самбуддхам̣, огхатин̣н̣амана̄савам̣.

39. ‘‘пуппхам̣ кут̣аджама̄да̄йа, сире катва̄на ан̃джалим̣ [катва̄нахам̣ тада̄ (сйа̄. пӣ. ка.)];

буддхасса абхиропесим̣, сайамбхусса махесино.

40. ‘‘екатим̣се ито каппе, йам̣ пуппхамабхипӯджайим̣;

дуггатим̣ на̄бхиджа̄на̄ми, буддхапӯджа̄йидам̣ пхалам̣.

41. ‘‘килеса̄ джха̄пита̄ майхам̣…пе… вихара̄ми ана̄саво.

42. ‘‘сва̄гатам̣ вата ме а̄си…пе… катам̣ буддхасса са̄санам̣.

43. ‘‘пат̣исамбхида̄ чатассо…пе… катам̣ буддхасса са̄санам̣’’.

иттхам̣ судам̣ а̄йасма̄ кут̣аджапуппхийо тхеро има̄ га̄тха̄йо

абха̄ситтха̄ти.

кут̣аджапуппхийаттхерасса̄пада̄нам̣ саттамам̣.

8. гхосасан̃н̃акаттхераапада̄нам̣

44. ‘‘мигалуддо пуре а̄сим̣, аран̃н̃е випине ахам̣;

аддасам̣ вираджам̣ буддхам̣, девасан̇гхапураккхатам̣.

45. ‘‘чатусаччам̣ пака̄сентам̣, десентам̣ аматам̣ падам̣;

ассосим̣ мадхурам̣ дхаммам̣, сикхино локабандхуно.

46. ‘‘гхосе читтам̣ паса̄десим̣, асамаппат̣ипуггале;

таттха читтам̣ паса̄детва̄, уттарим̣ [атарим̣ (сӣ. пӣ.)] дуттарам̣ бхавам̣.

47. ‘‘екатим̣се ито каппе, йам̣ сан̃н̃амалабхим̣ тада̄;

дуггатим̣ на̄бхиджа̄на̄ми, гхосасан̃н̃а̄йидам̣ пхалам̣.

48. ‘‘килеса̄ джха̄пита̄ майхам̣…пе… вихара̄ми ана̄саво.

49. ‘‘сва̄гатам̣ вата ме а̄си…пе… катам̣ буддхасса са̄санам̣.

50. ‘‘пат̣исамбхида̄ чатассо…пе… катам̣ буддхасса са̄санам̣’’.

иттхам̣ судам̣ а̄йасма̄ гхосасан̃н̃ако тхеро има̄ га̄тха̄йо

абха̄ситтха̄ти.

гхосасан̃н̃акаттхерасса̄пада̄нам̣ ат̣т̣хамам̣.

9. саббапхалада̄йакаттхераапада̄нам̣

51. ‘‘варун̣о на̄ма на̄мена, бра̄хман̣о мантапа̄рагӯ;

чхад̣д̣етва̄ дасапутта̄ни, ванамаджджхогахим̣ тада̄.

52. ‘‘ассамам̣ сукатам̣ катва̄, сувибхаттам̣ манорамам̣;

пан̣н̣аса̄лам̣ каритва̄на, васа̄ми випине ахам̣.

53. ‘‘падумуттаро локавидӯ, а̄хутӣнам̣ пат̣иггахо;

мамуддхаритука̄мо со, а̄гаччхи мама ассамам̣.

54. ‘‘йа̄вата̄ ванасан̣д̣амхи, обха̄со випуло аху;

буддхасса а̄нубха̄вена, паджджалӣ випинам̣ тада̄.

55. ‘‘дисва̄на там̣ па̄т̣ихӣрам̣, буддхасет̣т̣хасса та̄дино;

паттапут̣ам̣ гахетва̄на, пхалена пӯджайим̣ ахам̣.

56. ‘‘упагантва̄на самбуддхам̣, сахакха̄римада̄сахам̣;

анукампа̄йа ме буддхо, идам̣ вачанамабрави.

57. ‘кха̄рибха̄рам̣ гахетва̄на, паччхато ехи ме тувам̣;

парибхутте ча сан̇гхамхи, пун̃н̃ам̣ тава бхависсати’.

58. ‘‘пут̣акантам̣ гахетва̄на, бхиккхусан̇гхассада̄сахам̣;

таттха читтам̣ паса̄детва̄, туситам̣ упападжджахам̣.

59. ‘‘таттха диббехи наччехи, гӣтехи ва̄дитехи ча;

пун̃н̃акаммена сам̣йуттам̣, анубхоми сада̄ сукхам̣.

60. ‘‘йам̣ йам̣ йонупападжджа̄ми, деваттам̣ атха ма̄нусам̣;

бхоге ме ӯната̄ наттхи, пхалада̄нассидам̣ пхалам̣.

61. ‘‘йа̄вата̄ чатуро дӣпа̄, сасамудда̄ сапаббата̄;

пхалам̣ буддхасса датва̄на, иссарам̣ ка̄райа̄махам̣.

62. ‘‘йа̄вата̄ ме паккхиган̣а̄, а̄ка̄се уппатанти че;

тепи мам̣ васаманвенти, пхалада̄нассидам̣ пхалам̣.

63. ‘‘йа̄вата̄ ванасан̣д̣амхи, йаккха̄ бхӯта̄ ча раккхаса̄;

кумбхан̣д̣а̄ гарул̣а̄ ча̄пи, па̄ричарийам̣ упенти ме.

64. ‘‘кумбха̄ сон̣а̄ мадхука̄ра̄, д̣ам̣са̄ ча макаса̄ убхо;

тепи мам̣ васаманвенти, пхалада̄нассидам̣ пхалам̣.

65. ‘‘супан̣н̣а̄ на̄ма сакун̣а̄, паккхиджа̄та̄ махаббала̄;

тепи мам̣ саран̣ам̣ йанти, пхалада̄нассидам̣ пхалам̣.

66. ‘‘йепи дӣгха̄йука̄ на̄га̄, иддхиманто маха̄йаса̄;

тепи мам̣ васаманвенти, пхалада̄нассидам̣ пхалам̣.

67. ‘‘сӣха̄ бйаггха̄ ча дӣпӣ ча, аччхакокатараччхака̄;

тепи мам̣ васаманвенти, пхалада̄нассидам̣ пхалам̣.

68. ‘‘осадхӣтин̣ава̄сӣ ча, йе ча а̄ка̄сава̄сино;

саббе мам̣ саран̣ам̣ йанти, пхалада̄нассидам̣ пхалам̣.

69. ‘‘судуддасам̣ сунипун̣ам̣, гамбхӣрам̣ суппака̄ситам̣;