7. лабуджапхалада̄йакаттхераапада̄нам̣

32. ‘‘нагаре бандхуматийа̄, а̄ра̄мико ахам̣ тада̄;

аддасам̣ вираджам̣ буддхам̣, гаччхантам̣ анилан̃джасе.

33. ‘‘лабуджам̣ пхалама̄да̄йа, буддхасет̣т̣хассада̄сахам̣;

а̄ка̄сева т̣хито санто, пат̣игган̣хи маха̄йасо.

34. ‘‘виттисан̃джанано майхам̣, дит̣т̣хадхаммасукха̄вахо;

пхалам̣ буддхасса датва̄на, виппасаннена четаса̄.

35. ‘‘адхиган̃чхим̣ тада̄ пӣтим̣, випулам̣ сукхамуттамам̣;

уппаджджатева [уппаджджате ме (сйа̄.)] ратанам̣, ниббаттасса тахим̣ тахим̣.

36. ‘‘еканавутито каппе, йам̣ пхалам̣ ададим̣ тада̄;

дуггатим̣ на̄бхиджа̄на̄ми, пхалада̄нассидам̣ пхалам̣.

37. ‘‘килеса̄ джха̄пита̄ майхам̣…пе… вихара̄ми ана̄саво.

38. ‘‘сва̄гатам̣ вата ме а̄си…пе… катам̣ буддхасса са̄санам̣.

39. ‘‘пат̣исамбхида̄ чатассо…пе… катам̣ буддхасса са̄санам̣’’.

иттхам̣ судам̣ а̄йасма̄ лабуджапхалада̄йако тхеро има̄

га̄тха̄йо абха̄ситтха̄ти.

лабуджапхалада̄йакаттхерасса̄пада̄нам̣ саттамам̣.