4. саттакадамбапуппхийаттхераапада̄нам̣

61. ‘‘химавантасса̄видӯре, куккут̣о [кадамбо (сӣ. сйа̄. пӣ.)] на̄ма паббато;

тамхи паббатапа̄дамхи, сатта буддха̄ васим̣су те.

62. ‘‘кадамбам̣ пуппхитам̣ дисва̄, паггахетва̄на ан̃джалим̣;

сатта ма̄ла̄ гахетва̄на, пун̃н̃ачиттена [пун̣н̣ачиттена (ка.)] окирим̣.

63. ‘‘тена каммена сукатена, четана̄пан̣идхӣхи ча;

джахитва̄ ма̄нусам̣ дехам̣, та̄ватим̣самагаччхахам̣.

64. ‘‘чатуннавутито каппе, йам̣ каммамакарим̣ тада̄;

дуггатим̣ на̄бхиджа̄на̄ми, буддхапӯджа̄йидам̣ пхалам̣.

65. ‘‘килеса̄ джха̄пита̄ майхам̣…пе… вихара̄ми ана̄саво.

66. ‘‘сва̄гатам̣ вата ме а̄си…пе… катам̣ буддхасса са̄санам̣.

67. ‘‘пат̣исамбхида̄ чатассо…пе… катам̣ буддхасса са̄санам̣’’.

иттхам̣ судам̣ а̄йасма̄ саттакадамбапуппхийо тхеро има̄

га̄тха̄йо абха̄ситтха̄ти.

саттакадамбапуппхийаттхерасса̄пада̄нам̣ чатуттхам̣.