40. пилиндаваччхавагго

1. пилиндаваччхаттхераапада̄нам̣

1. ‘‘нагаре хам̣саватийа̄, а̄сим̣ дова̄рико ахам̣;

аккхобхам̣ амитам̣ бхогам̣, гхаре санничитам̣ мама.

2. ‘‘рахогато нисӣдитва̄, пахам̣ситва̄на ма̄насам̣ [сампахам̣ситва ма̄насам̣ (сӣ.)];

нисаджджа па̄са̄даваре, евам̣ чинтесахам̣ тада̄.

(чинтана̄ка̄ро)

3. ‘‘‘бахӯ медхигата̄ бхога̄, пхӣтам̣ антепурам̣ мама;

ра̄джа̄пи [ра̄джиси (ка.)] саннимантеси, а̄нандо патхависсаро.

4. ‘‘‘айан̃ча буддхо уппанно, адхиччуппаттико муни;

сам̣виджджанти ча ме бхога̄, да̄нам̣ дасса̄ми саттхуно.

5. ‘‘‘падумена ра̄джапуттена, диннам̣ да̄наварам̣ джине;

хаттхина̄ге ча паллан̇ке, апассенан̃чанаппакам̣.

6. ‘‘‘ахампи да̄нам̣ дасса̄ми, сан̇гхе ган̣аваруттаме;

адиннапуббаман̃н̃есам̣, бхависсам̣ а̄дикаммико.

7. ‘‘‘чинтетва̄хам̣ бахувидхам̣, йа̄ге йасса сукхам̣пхалам̣;

париккха̄рада̄намаддаккхим̣, мама сан̇каппапӯран̣ам̣.

8. ‘‘‘париккха̄ра̄ни дасса̄ми, сан̇гхе ган̣аваруттаме;

адиннапуббаман̃н̃есам̣, бхависсам̣ а̄дикаммико’.

(да̄наваттхусампа̄данам̣)

9. ‘‘нал̣ака̄ре упа̄гамма, чхаттам̣ ка̄реси та̄ваде;

чхаттасатасахасса̄ни, екато саннипа̄тайим̣.

10. ‘‘дуссасатасахасса̄ни, екато саннипа̄тайим̣;

паттасатасахасса̄ни, екато саннипа̄тайим̣.

11. ‘‘ва̄сийо саттхаке ча̄пи, сӯчийо накхачхедане;

хет̣т̣ха̄чхатте т̣хапа̄песим̣, ка̄ретва̄ тадануччхаве.

12. ‘‘видхӯпане та̄лаван̣т̣е, морахаттхе ча ча̄маре;

парисса̄ване теладха̄ре [теладхаре (сӣ.)], ка̄райим̣ тадануччхаве.

13. ‘‘сӯчигхаре ам̣сабаддхе, атхопи ка̄йабандхане;

а̄дха̄раке ча сукате, ка̄райим̣ тадануччхаве.

14. ‘‘парибхогабха̄джане ча, атхопи лохатха̄лаке;

бхесадждже пӯрайитва̄на, хет̣т̣ха̄чхатте т̣хапесахам̣.

15. ‘‘вачам̣ усӣрам̣ лат̣т̣химадхум̣, пиппхалӣ марича̄ни ча;

харӣтаким̣ син̇гӣверам̣, саббам̣ пӯреси бха̄джане.

16. ‘‘упа̄хана̄ па̄дука̄йо, атхо удакапун̃чхане;

каттарадан̣д̣е сукате, ка̄райим̣ тадануччхаве.

17. ‘‘осадхан̃джанана̄л̣ӣ ча [осадхам̣ ан̃джана̄пича (сйа̄.)], сала̄ка̄ дхаммакуттара̄;

кун̃чика̄ пан̃чаван̣н̣ехи, сиббите кун̃чика̄гхаре.

18. ‘‘а̄йоге дхӯманетте ча, атхопи дӣпадха̄раке;

тумбаке ча каран̣д̣е ча, ка̄райим̣ тадануччхаве.

19. ‘‘сан̣д̣а̄се пиппхале чева, атхопи малаха̄раке;

бхесаджджатхавике чева, ка̄райим̣ тадануччхаве.

20. ‘‘а̄сандийо пӣт̣хаке ча, паллан̇ке чатуромайе;

тадануччхаве ка̄райитва̄, хет̣т̣ха̄чхатте т̣хапесахам̣.

21. ‘‘ун̣н̣а̄бхисӣ тӯлабхисӣ, атхопи пӣт̣хика̄бхисӣ [пӣт̣хака̄бхисӣ (сйа̄. ка.)];

бимбохане [биббохане (сйа̄. ка.)] ча сукате, ка̄райим̣ тадануччхаве.

22. ‘‘курувинде мадхуситтхе, телам̣ хаттхаппата̄пакам̣;

сипа̄т̣ипхалаке сучӣ, ман̃чам̣ аттхаран̣ена ча.

23. ‘‘сена̄сане па̄дапун̃чхе, сайана̄санадан̣д̣аке;

дантапон̣е ча а̄т̣алӣ [катхалим̣ (сйа̄.)], сӣса̄лепанагандхаке.

24. ‘‘аран̣ӣ пхалапӣт̣хе [пала̄лапӣт̣хе (сӣ.)] ча, паттапидха̄натха̄лаке;

удакасса кат̣аччхӯ ча, чун̣н̣акам̣ раджанамбан̣ам̣ [раджанамман̣ам̣ (сӣ.)].

25. ‘‘саммаджджанам̣ [саммун̃джанам̣ (сйа̄.), саммаджджаним̣, саммун̃джаним̣ (?)] удапаттам̣, татха̄ вассикаса̄т̣икам̣;

нисӣданам̣ кан̣д̣уччха̄ди, атха антарава̄сакам̣.

26. ‘‘уттара̄сан̇гасан̇гха̄т̣ӣ, наттхукам̣ мукхасодханам̣;

бил̣ан̇галон̣ам̣ пахӯтан̃ча [лон̣абхӯтан̃ча (ка.)], мадхун̃ча дадхипа̄накам̣.

27. ‘‘дхӯпам̣ [дхӯмам̣ (ка.)] ситтхам̣ пилотин̃ча, мукхапун̃чханасуттакам̣;

да̄таббам̣ на̄ма йам̣ аттхи, йан̃ча каппати саттхуно.

28. ‘‘саббаметам̣ сама̄нетва̄, а̄нандам̣ упасан̇камим̣;

упасан̇камма ра̄джа̄нам̣, джанета̄рам̣ махесино [махесинам̣ (сӣ.), маха̄йасам̣ (сйа̄.), махиссарам̣ (ка.)];

сираса̄ абхива̄детва̄, идам̣ вачанамабравим̣.

(да̄нока̄сайа̄чана̄)

29. ‘‘‘екато джа̄тасам̣ваддха̄, убхиннам̣ екато манам̣ [йасо (сйа̄.), мано (?)];

са̄дха̄ран̣а̄ сукхадуккхе, убхо ча ануваттака̄.

30. ‘‘‘аттхи четасикам̣ дуккхам̣, тава̄дхеййам̣ ариндама;

йади саккоси там̣ дуккхам̣, винодеййа̄си кхаттийа.

31. ‘‘‘тава дуккхам̣ мама дуккхам̣, убхиннам̣ екато мано [манам̣ (сӣ. сйа̄.)];

нит̣т̣хитанти виджа̄на̄хи, мама̄дхеййам̣ саче тувам̣.

32. ‘‘‘джа̄на̄хи кхо маха̄ра̄джа, дуккхам̣ ме дуббинодайам̣;

паху сама̄но гаджджасу, екам̣ те дуччаджам̣ варам̣.

33. ‘‘‘йа̄вата̄ виджите аттхи, йа̄вата̄ мама джӣвитам̣;

етехи йади те аттхо, дасса̄ми авикампито.

34. ‘‘‘гаджджитам̣ кхо тайа̄ дева, миччха̄ там̣ баху гаджджитам̣;

джа̄нисса̄ми тувам̣ аджджа, саббадхамме [саччадхамме (?)] патит̣т̣хитам̣.

35. ‘‘‘атиба̄л̣хам̣ нипӣл̣еси, дадама̄насса ме сато;

ким̣ те ме пӣл̣итенаттхо, паттхитам̣ те катхехи ме.

36. ‘‘‘иччха̄махам̣ маха̄ра̄джа, буддхасет̣т̣хам̣ ануттарам̣;

бходжайисса̄ми самбуддхам̣, ваджджам̣ [ван̃чум̣ (?)] ме ма̄ху джӣвитам̣.

37. ‘‘‘ан̃н̃ам̣ техам̣ варам̣ дамми, ма̄ йа̄читтхо татха̄гатам̣ [айа̄чито татха̄гато (сйа̄. ка.)];

адеййо кассачи буддхо, ман̣и джотирасо йатха̄.

38. ‘‘‘нану те гаджджитам̣ дева, йа̄ва джӣвитаматтано [виджитаматтхитам̣ (ка.), джӣвитаматтхикам̣ (сйа̄.)];

джӣвитам̣ [виджитам̣ (ка.)] дадама̄нена, йуттам̣ да̄тум̣ татха̄гатам̣.

39. ‘‘‘т̣хапанӣйо маха̄вӣро, адеййо кассачи джино;

на ме пат̣иссуто буддхо, варассу амитам̣ дханам̣.

40. ‘‘‘виниччхайам̣ па̄пун̣а̄ма, пуччхисса̄ма виниччхайе;

йатха̄сан̣т̣хам̣ [йатха̄сантам̣ (сӣ.)] катхессанти, пат̣ипуччха̄ма там̣ татха̄.

41. ‘‘‘ран̃н̃о хаттхе гахетва̄на, агама̄сим̣ виниччхайам̣;

пурато аккхадасса̄нам̣, идам̣ вачанамабравим̣.

42. ‘‘‘сун̣анту ме аккхадасса̄, ра̄джа̄ варамада̄си ме;

на кин̃чи т̣хапайитва̄на, джӣвитампи [виджитам̣пи (ка.)] пава̄райи.

43. ‘‘‘тасса ме варадиннасса, буддхасет̣т̣хам̣ варим̣ ахам̣;

судинно хоти ме буддхо, чхиндатха сам̣сайам̣ мама.

44. ‘‘‘сосса̄ма тава вачанам̣, бхӯмипа̄ласса ра̄джино;

убхиннам̣ вачанам̣ сутва̄, чхиндисса̄меттха сам̣сайам̣.

45. ‘‘‘саббам̣ дева тайа̄ диннам̣, имасса саббага̄хикам̣ [саббага̄хитам̣ (сйа̄. ка.)];

на кин̃чи т̣хапайитва̄на, джӣвитампи пава̄райи.

46. ‘‘‘киччхаппаттова хутва̄на, йа̄чӣ варамануттарам̣ [йа̄ваджӣвамануттарам̣ (сйа̄. ка.)];

имам̣ судуккхитам̣ н̃атва̄, ада̄сим̣ саббага̄хикам̣.

47. ‘‘‘пара̄джайо тувам̣ [тавам̣ (сӣ.)] дева, асса деййо татха̄гато;

убхиннам̣ сам̣сайо чхинно, йатха̄сан̣т̣хамхи [йатха̄сантамхи (сӣ.)] тит̣т̣хатха.

48. ‘‘‘ра̄джа̄ таттхева т̣хатва̄на, аккхадассетадабрави;

самма̄ майхампи деййа̄тха, пуна буддхам̣ лабха̄махам̣.

49. ‘‘‘пӯретва̄ тава сан̇каппам̣, бходжайитва̄ татха̄гатам̣;

пуна деййа̄си [деййа̄тха (ка.)] самбуддхам̣, а̄нандасса йасассино’.

(нимантанакатха̄)

50. ‘‘аккхадассебхива̄детва̄, а̄нандан̃ча̄пи кхаттийам̣;

тут̣т̣хо памудито хутва̄, самбуддхамупасан̇камим̣.

51. ‘‘упасан̇камма самбуддхам̣, огхатин̣н̣амана̄савам̣;

сираса̄ абхива̄детва̄, идам̣ вачанамабравим̣.

52. ‘васӣсатасахассехи, адхива̄сехи чаккхума;

ха̄сайанто мама читтам̣, нивесанамупехи ме’.

53. ‘‘падумуттаро локавидӯ, а̄хутӣнам̣ пат̣иггахо;

мама сан̇каппаман̃н̃а̄йа, адхива̄сеси чаккхума̄.

54. ‘‘адхива̄санаман̃н̃а̄йа, абхива̄дийа саттхуно;

хат̣т̣хо удаггачиттохам̣, нивесанамупа̄гамим̣.

(да̄напат̣ийа̄данам̣)

55. ‘‘митта̄мачче сама̄нетва̄, идам̣ вачанамабравим̣;

‘судуллабхо майа̄ ладдхо, ман̣и джотирасо йатха̄.

56. ‘‘‘кена там̣ пӯджайисса̄ма, аппамеййо анӯпамо;

атуло асамо дхӣро, джино аппат̣ипуггало.

57. ‘‘‘татха̄самасамо чева, адутийо нара̄сабхо;

дуккарам̣ адхика̄ран̃хи, буддха̄нуччхавикам̣ майа̄.

58. ‘‘‘на̄на̄пуппхе сама̄нетва̄, карома пуппхаман̣д̣апам̣;

буддха̄нуччхавикам̣ етам̣, саббапӯджа̄ бхависсати’.

59. ‘‘уппалам̣ падумам̣ ва̄пи, вассикам̣ адхимуттакам̣ [атимуттакам̣ (?)];

чампакам̣ [чанданам̣ (ка.)] на̄гапуппхан̃ча, ман̣д̣апам̣ ка̄райим̣ ахам̣.

60. ‘‘сата̄санасахасса̄ни, чхаттаччха̄йа̄йа пан̃н̃апим̣;

паччхимам̣ а̄санам̣ майхам̣, адхикам̣ сатамаггхати.

61. ‘‘сата̄санасахасса̄ни, чхаттаччха̄йа̄йа пан̃н̃апим̣;

пат̣ийа̄детва̄ аннапа̄нам̣, ка̄лам̣ а̄рочайим̣ ахам̣.

62. ‘‘а̄рочитамхи ка̄ламхи, падумуттаро маха̄муни;

васӣсатасахассехи, нивесанамупеси ме.

63. ‘‘дха̄рентам̣ упариччхаттам̣ [дха̄рентамупариччхатте (сӣ.)], супхуллапуппхаман̣д̣апе;

васӣсатасахассехи, нисӣди пурисуттамо.

64. ‘‘‘чхаттасатасахасса̄ни, сатасахассама̄санам̣;

каппийам̣ анаваджджан̃ча, пат̣иган̣ха̄хи чаккхума’.

65. ‘‘падумуттаро локавидӯ, а̄хутӣнам̣ пат̣иггахо;

мамам̣ та̄ретука̄мо со, сампат̣иччхи маха̄муни.

(да̄накатха̄)

66. ‘‘бхиккхуно екамекасса, паччекам̣ паттамада̄сахам̣;

джахим̣су сумбхакам̣ [пуббакам̣ (сӣ.), самбхатам̣ (сйа̄.), маттикам̣ (?)] паттам̣, лохапаттам̣ адха̄райум̣.

67. ‘‘саттараттиндивам̣ буддхо, нисӣди пуппхаман̣д̣апе;

бодхайанто бахӯ сатте, дхаммачаккам̣ паваттайи.

68. ‘‘дхаммачаккам̣ паваттенто, хет̣т̣хато пуппхаман̣д̣апе;

чулла̄сӣтисахасса̄нам̣, дхамма̄бхисамайо аху.

69. ‘‘саттаме дивасе патте, падумуттаро маха̄муни;

чхаттаччха̄йа̄йама̄сӣно, има̄ га̄тха̄ абха̄сатха.

(бйа̄каран̣ам̣)

70. ‘‘‘анӯнакам̣ да̄наварам̣, йо ме па̄да̄си ма̄н̣аво;

тамахам̣ киттайисса̄ми, сун̣а̄тха мама бха̄сато.