7. ласун̣ада̄йакаттхераапада̄нам̣

89. ‘‘химавантасса̄видӯре, та̄пасо а̄сахам̣ тада̄;

ласун̣ам̣ упаджӣва̄ми, ласун̣ам̣ майхабходжанам̣.

90. ‘‘кха̄рийо пӯрайитва̄на, сан̇гха̄ра̄мамагаччхахам̣;

хат̣т̣хо хат̣т̣хена читтена, сан̇гхасса ласун̣ам̣ адам̣.

91. ‘‘випассисса нараггасса, са̄сане ниратассахам̣;

сан̇гхасса ласун̣ам̣ датва̄, каппам̣ саггамхи модахам̣.

92. ‘‘еканавутито каппе, ласун̣ам̣ йамадам̣ тада̄;

дуггатим̣ на̄бхиджа̄на̄ми, ласун̣асса идам̣ пхалам̣.

93. ‘‘пат̣исамбхида̄ чатассо…пе… катам̣ буддхасса са̄санам̣’’.

иттхам̣ судам̣ а̄йасма̄ ласун̣ада̄йако тхеро има̄ га̄тха̄йо абха̄ситтха̄ти;

ласун̣ада̄йакаттхерасса̄пада̄нам̣ саттамам̣.