6. адхимуттаттхераапада̄нам̣

84. ‘‘ниббуте локана̄тхамхи, аттхадассӣнаруттаме;

упат̣т̣хахим̣ бхиккхусан̇гхам̣, виппасаннена четаса̄.

85. ‘‘нимантетва̄ бхиккхусан̇гхам̣ [сам̣гхаратанам̣ (сӣ. сйа̄.)], уджубхӯтам̣ сама̄хитам̣;

уччхуна̄ ман̣д̣апам̣ катва̄, бходжесим̣ сан̇гхамуттамам̣.

86. ‘‘йам̣ йам̣ йонупападжджа̄ми, деваттам̣ атха ма̄нусам̣;

саббе сатте абхибхоми [атибхоми (сӣ. ка.)], пун̃н̃акаммассидам̣ пхалам̣.

87. ‘‘ат̣т̣ха̄расе каппасате, йам̣ да̄намададим̣ тада̄;

дуггатим̣ на̄бхиджа̄на̄ми, уччхуда̄нассидам̣ пхалам̣.

88. ‘‘пат̣исамбхида̄ чатассо…пе… катам̣ буддхасса са̄санам̣’’.

иттхам̣ судам̣ а̄йасма̄ адхимутто тхеро има̄ га̄тха̄йо абха̄ситтха̄ти;

адхимуттаттхерасса̄пада̄нам̣ чхат̣т̣хам̣.