2. лабуджада̄йакаттхераапада̄нам̣

7. ‘‘нагаре бандхуматийа̄, а̄сим̣ а̄ра̄мико тада̄;

аддасам̣ вираджам̣ буддхам̣, гаччхантам̣ анилан̃джасе.

8. ‘‘лабуджасса пхалам̣ гайха, буддхасет̣т̣хассада̄сахам̣;

а̄ка̄се т̣хитако санто, пат̣иган̣хи маха̄йасо.

9. ‘‘виттисан̃джананам̣ майхам̣, дит̣т̣хадхаммасукха̄вахам̣;

пхалам̣ буддхасса датва̄на, виппасаннена четаса̄.

10. ‘‘адхигаччхим̣ тада̄ пӣтим̣, випулан̃ча сукхуттамам̣;

уппаджджатева ратанам̣, ниббаттасса тахим̣ тахим̣.

11. ‘‘еканавутито каппе, йам̣ пхаламададим̣ тада̄;

дуггатим̣ на̄бхиджа̄на̄ми, пхалада̄нассидам̣ пхалам̣.

12. ‘‘килеса̄ джха̄пита̄ майхам̣…пе… вихара̄ми ана̄саво.

13. ‘‘сва̄гатам̣ вата ме а̄си…пе… катам̣ буддхасса са̄санам̣.

14. ‘‘пат̣исамбхида̄ чатассо…пе… катам̣ буддхасса са̄санам̣’’.

иттхам̣ судам̣ а̄йасма̄ лабуджада̄йако тхеро има̄ га̄тха̄йо абха̄ситтха̄ти.

лабуджада̄йакаттхерасса̄пада̄нам̣ дутийам̣.