10. ка̄сума̄рипхалада̄йакаттхераапада̄нам̣

53. ‘‘кан̣ика̄рам̣ва джотантам̣, нисиннам̣ паббатантаре;

аддасам̣ вираджам̣ буддхам̣, локаджет̣т̣хам̣ нара̄сабхам̣.

54. ‘‘пасанначитто сумано, сире катва̄на ан̃джалим̣;

ка̄сума̄рипхалам̣ гайха, буддхасет̣т̣хассада̄сахам̣.

55. ‘‘екаттим̣се ито каппе, йам̣ пхаламададим̣ ахам̣;

дуггатим̣ на̄бхиджа̄на̄ми, пхалада̄нассидам̣ пхалам̣.

56. ‘‘килеса̄ джха̄пита̄ майхам̣…пе… вихара̄ми ана̄саво.

57. ‘‘сва̄гатам̣ вата ме а̄си…пе… катам̣ буддхасса са̄санам̣.

58. ‘‘пат̣исамбхида̄ чатассо…пе… катам̣ буддхасса са̄санам̣’’.

иттхам̣ судам̣ а̄йасма̄ ка̄сума̄рипхалада̄йако тхеро има̄ га̄тха̄йо абха̄ситтха̄ти.

ка̄сума̄рипхалада̄йакаттхерасса̄пада̄нам̣ дасамам̣.

бодхиванданавагго ат̣т̣хатим̣сатимо.