6. кадамбапуппхийаттхераапада̄нам̣

20. ‘‘суван̣н̣аван̣н̣ам̣ самбуддхам̣, гаччхантам̣ антара̄пан̣е;

кан̃чанаггхийасан̇ка̄сам̣, ба̄ттим̣саваралаккхан̣ам̣.

21. ‘‘нисаджджа па̄са̄даваре, аддасам̣ локана̄йакам̣;

кадамбапуппхам̣ паггайха, випассим̣ абхипӯджайим̣.

22. ‘‘еканавутито каппе, йам̣ буддхамабхипӯджайим̣;

дуггатим̣ на̄бхиджа̄на̄ми, буддхапӯджа̄йидам̣ пхалам̣.

23. ‘‘пат̣исамбхида̄ чатассо…пе… катам̣ буддхасса са̄санам̣’’.

иттхам̣ судам̣ а̄йасма̄ кадамбапуппхийо тхеро има̄ га̄тха̄йо абха̄ситтха̄ти.

кадамбапуппхийаттхерасса̄пада̄нам̣ чхат̣т̣хам̣.