10. сал̣алапуппхийаттхераапада̄нам̣

35. ‘‘чандабха̄га̄надӣтӣре, ахосим̣ киннаро тада̄;

таттхаддасам̣ девадевам̣, чан̇камантам̣ нара̄сабхам̣.

36. ‘‘очинитва̄на сал̣алам̣, пуппхам̣ буддхассада̄сахам̣;

упасин̇гхи маха̄вӣро, сал̣алам̣ девагандхикам̣.

37. ‘‘пат̣иггахетва̄ самбуддхо, випассӣ локана̄йако;

упасин̇гхи маха̄вӣро, пеккхама̄насса ме сато.

38. ‘‘пасанначитто сумано, вандитва̄ двипадуттамам̣;

ан̃джалим̣ паггахетва̄на, пуна паббатама̄рухим̣.

39. ‘‘еканавутито каппе, йам̣ пуппхамабхипӯджайим̣;

дуггатим̣ на̄бхиджа̄на̄ми, буддхапӯджа̄йидам̣ пхалам̣.

40. ‘‘пат̣исамбхида̄ чатассо…пе… катам̣ буддхасса са̄санам̣’’.

иттхам̣ судам̣ а̄йасма̄ сал̣алапуппхийо тхеро има̄ га̄тха̄йо абха̄ситтха̄ти.

сал̣алапуппхийаттхерасса̄пада̄нам̣ дасамам̣.

манда̄равапуппхийавагго саттатим̣сатимо.