4. тикин̇кан̣ипӯджакаттхераапада̄нам̣

27. ‘‘химавантасса̄видӯре, бхӯтаган̣о на̄ма паббато;

таттхаддасам̣ пам̣сукӯлам̣, думаггамхи вилаггитам̣.

28. ‘‘тӣн̣и кин̇кан̣ипуппха̄ни, очинитва̄нахам̣ тада̄;

хат̣т̣хо хат̣т̣хена читтена, пам̣сукӯлам̣ апӯджайим̣.

29. ‘‘екаттим̣се ито каппе, йам̣ каммамакарим̣ тада̄;

дуггатим̣ на̄бхиджа̄на̄ми, тин̣н̣ам̣ пуппха̄нидам̣ пхалам̣.

30. ‘‘пат̣исамбхида̄ чатассо…пе… катам̣ буддхасса са̄санам̣’’.

иттхам̣ судам̣ а̄йасма̄ тикин̇кан̣ипӯджако тхеро има̄ га̄тха̄йо абха̄ситтха̄ти.

тикин̇кан̣ипӯджакаттхерасса̄пада̄нам̣ чатуттхам̣.