34. гандходакавагго

1. гандхадхӯпийаттхераапада̄нам̣

1. ‘‘сиддхаттхасса бхагавато, гандхадхӯпам̣ ада̄сахам̣;

суманехи пат̣иччханнам̣, буддха̄нуччхавикан̃ча там̣.

2. ‘‘кан̃чанаггхийасан̇ка̄сам̣, буддхам̣ локаггана̄йакам̣;

индӣварам̣ва джалитам̣, а̄диттам̣ва хута̄санам̣.

3. ‘‘бйаггхусабхам̣ва паварам̣, абхиджа̄там̣ва кесарим̣;

нисиннам̣ саман̣а̄наггам̣, бхиккхусан̇гхапураккхатам̣.

4. ‘‘дисва̄ читтам̣ паса̄детва̄, паггахетва̄на ан̃джалим̣;

вандитва̄ саттхуно па̄де, пакка̄мим̣ уттара̄мукхо.

5. ‘‘чатуннавутито каппе, йам̣ гандхамададим̣ тада̄;

дуггатим̣ на̄бхиджа̄на̄ми, гандхапӯджа̄йидам̣ пхалам̣.

6. ‘‘пат̣исамбхида̄ чатассо, вимоккха̄пи ча ат̣т̣химе;

чхал̣абхин̃н̃а̄ саччхиката̄, катам̣ буддхасса са̄санам̣’’.

иттхам̣ судам̣ а̄йасма̄ гандхадхӯпийо тхеро има̄ га̄тха̄йо абха̄ситтха̄ти.

гандхадхӯпийаттхерасса̄пада̄нам̣ пат̣хамам̣.

2. удакапӯджакаттхераапада̄нам̣

7. ‘‘суван̣н̣аван̣н̣ам̣ самбуддхам̣, гаччхантам̣ анилан̃джасе;

гхата̄санам̣ва джалитам̣, а̄диттам̣ва хута̄санам̣.

8. ‘‘па̄н̣ина̄ удакам̣ гайха, а̄ка̄се уккхипим̣ ахам̣;

сампат̣иччхи маха̄вӣро, буддхо ка̄рун̣ико иси.

9. ‘‘анталиккхе т̣хито саттха̄, падумуттарана̄мако;

мама сан̇каппаман̃н̃а̄йа, имам̣ га̄тхамабха̄сатха.

10. ‘‘‘имина̄ дакада̄нена, пӣтиуппа̄данена ча;

каппасатасахассампи, дуггатим̣ нупападжджаси’.

11. ‘‘тена каммена двипадинда, локаджет̣т̣ха нара̄сабха;

паттомхи ачалам̣ т̣ха̄нам̣, хитва̄ джайапара̄джайам̣.

12. ‘‘сахассара̄джана̄мена, тайо ча чаккаваттино;

пан̃часат̣т̣хикаппасате, ча̄туранта̄ джана̄дхипа̄.

13. ‘‘пат̣исамбхида̄ чатассо…пе… катам̣ буддхасса са̄санам̣’’.

иттхам̣ судам̣ а̄йасма̄ удакапӯджако тхеро има̄ га̄тха̄йо абха̄ситтха̄ти.

удакапӯджакаттхерасса̄пада̄нам̣ дутийам̣.

3. пунна̄гапуппхийаттхераапада̄нам̣

14. ‘‘ка̄нанам̣ ванамогайха, васа̄ми луддако ахам̣;

пунна̄гам̣ пуппхитам̣ дисва̄, буддхасет̣т̣хам̣ ануссарим̣.

15. ‘‘там̣ пуппхам̣ очинитва̄на, сугандхам̣ гандхитам̣ субхам̣;

тхӯпам̣ катва̄на пулине, буддхасса абхиропайим̣.

16. ‘‘двенавуте ито каппе, йам̣ пуппхамабхипӯджайим̣;

дуггатим̣ на̄бхиджа̄на̄ми, буддхапӯджа̄йидам̣ пхалам̣.

17. ‘‘екамхи навуте каппе, еко а̄сим̣ тамонудо;

саттаратанасампанно, чаккаваттӣ махаббало.

18. ‘‘пат̣исамбхида̄ чатассо…пе… катам̣ буддхасса са̄санам̣’’.

иттхам̣ судам̣ а̄йасма̄ пунна̄гапуппхийо тхеро има̄ га̄тха̄йо абха̄ситтха̄ти.

пунна̄гапуппхийаттхерасса̄пада̄нам̣ татийам̣.

4. екадуссада̄йакаттхераапада̄нам̣

19. ‘‘нагаре хам̣саватийа̄, ахосим̣ тин̣аха̄рако;

тин̣аха̄рена джӣва̄ми, тена посеми да̄раке.

20. ‘‘падумуттаро на̄ма джино, саббадхамма̄на па̄рагӯ;

тамандхака̄рам̣ на̄сетва̄, уппаджджи локана̄йако.

21. ‘‘саке гхаре нисӣдитва̄, евам̣ чинтесахам̣ тада̄;

‘буддхо локе самуппанно, деййадхаммо ча наттхи ме.

22. ‘‘‘идам̣ ме са̄т̣акам̣ екам̣, наттхи ме кочи да̄йако;

дуккхо нирайасампхассо, ропайисса̄ми даккхин̣ам̣’.

23. ‘‘ева̄хам̣ чинтайитва̄на, сакам̣ читтам̣ паса̄дайим̣;

екам̣ дуссам̣ гахетва̄на, буддхасет̣т̣хассада̄сахам̣.

24. ‘‘екам̣ дуссам̣ дадитва̄на, уккут̣т̣хим̣ сампаваттайим̣;

йади буддхо тувам̣ вӣра, та̄рехи мам̣ маха̄муни.

25. ‘‘падумуттаро локавидӯ, а̄хутӣнам̣ пат̣иггахо;

мама да̄нам̣ пакиттенто, ака̄ ме анумоданам̣.

26. ‘‘‘имина̄ екадуссена, четана̄пан̣идхӣхи ча;

каппасатасахасса̄ни, винипа̄там̣ на гаччхати.

27. ‘‘‘чхаттим̣саккхаттум̣ девиндо, девараджджам̣ кариссати;

теттим̣саккхаттум̣ ра̄джа̄ ча, чаккаваттӣ бхависсати;

падесараджджам̣ випулам̣, ган̣ана̄то асан̇кхийам̣.

28. ‘‘‘девалоке мануссе ва̄, сам̣саранто тувам̣ бхаве;

рӯпава̄ гун̣асампанно, анаваккантадехава̄;

аккхобхам̣ амитам̣ дуссам̣, лабхиссаси йадиччхакам̣’.

29. ‘‘идам̣ ватва̄на самбуддхо, джаладжуттамана̄мако;

набхам̣ аббхуггамӣ дхӣро, хам̣сара̄джа̄ва амбаре.

30. ‘‘йам̣ йам̣ йонупападжджа̄ми, деваттам̣ атха ма̄нусам̣;

бхоге ме ӯната̄ наттхи, екадуссассидам̣ пхалам̣.

31. ‘‘падуддха̄ре падуддха̄ре, дуссам̣ ниббаттате мамам̣;

хет̣т̣ха̄ дуссамхи тит̣т̣ха̄ми, упари чхаданам̣ мама.

32. ‘‘чаккава̄л̣амупа̄да̄йа, сака̄нанам̣ сапаббатам̣;

иччхама̄но чахам̣ аджджа, дуссехи чха̄дайеййахам̣.

33. ‘‘тенева екадуссена, сам̣саранто бхава̄бхаве;

суван̣н̣аван̣н̣о хутва̄на, сам̣сара̄ми бхава̄бхаве.

34. ‘‘випа̄кам̣ екадуссасса, наджджхагам̣ каттхачиккхайам̣;

айам̣ ме антима̄ джа̄ти, випаччати идха̄пи ме.

35. ‘‘сатасахассито каппе, йам̣ дуссамададим̣ тада̄;

дуггатим̣ на̄бхиджа̄на̄ми, екадуссассидам̣ пхалам̣.

36. ‘‘килеса̄ джха̄пита̄ майхам̣, бхава̄ саббе самӯхата̄;

на̄гова бандханам̣ чхетва̄, вихара̄ми ана̄саво.

37. ‘‘пат̣исамбхида̄ чатассо…пе… катам̣ буддхасса са̄санам̣’’.

иттхам̣ судам̣ а̄йасма̄ екадуссада̄йако тхеро има̄ га̄тха̄йо абха̄ситтха̄ти.

екадуссада̄йакаттхерасса̄пада̄нам̣ чатуттхам̣.

5. пхуситакампийаттхераапада̄нам̣

38. ‘‘випассӣ на̄ма [саббаттхапи евамева диссати]

самбуддхо, локаджет̣т̣хо нара̄сабхо.

кхӣн̣а̄савехи сахито, сан̇гха̄ра̄ме васӣ тада̄.

39. ‘‘а̄ра̄мадва̄ра̄ никкхамма, випассӣ [саббаттхапи евамева диссати] локана̄йако;

саха сатасахассехи, ат̣т̣ха [сахассасатасиссехи, ат̣т̣ха (ка.), ат̣т̣ха сатасахассехи, саха (?)] кхӣн̣а̄савехи со.

40. ‘‘аджинена ниваттхохам̣, ва̄качӣрадхаропи ча;

кусумодакама̄да̄йа [кусумбходака… (сӣ. сйа̄.)], самбуддхам̣ упасан̇камим̣.

41. ‘‘сакам̣ читтам̣ паса̄детва̄, ведаджа̄то катан̃джалӣ;

кусумодакама̄да̄йа, буддхамаббхуккирим̣ ахам̣.

42. ‘‘тена каммена самбуддхо, джаладжуттамана̄мако [саббаттхапи евамева диссати];

мама каммам̣ пакиттетва̄, агама̄ йена паттхитам̣.

43. ‘‘пхусита̄ пан̃часахасса̄, йехи пӯджесахам̣ джинам̣;

ад̣д̣хатеййасахассехи, девараджджам̣ ака̄райим̣.

44. ‘‘ад̣д̣хатеййасахассехи, чаккаваттӣ ахосахам̣;

авасесена каммена, арахаттамапа̄пун̣им̣.

45. ‘‘девара̄джа̄ йада̄ хоми [ахосим̣ (сйа̄. ка.)], мануджа̄дхипатӣ йада̄ [тада̄ (сйа̄. ка.)];

тамева на̄мадхеййам̣ ме, пхусито на̄ма хомахам̣.

46. ‘‘девабхӯтасса сантасса, атха̄пи ма̄нусасса ва̄;

саманта̄ бйа̄мато майхам̣, пхуситам̣ва павассати.

47. ‘‘бхава̄ уггха̄т̣ита̄ майхам̣, килеса̄ джха̄пита̄ мама;

сабба̄савапариккхӣн̣о, пхуситасса идам̣ пхалам̣.

48. ‘‘чанданассева ме ка̄йа̄, татха̄ гандхо пава̄йати;

сарӣрато мама гандхо, ад̣д̣хакосе пава̄йати.

49. ‘‘диббагандхам̣ сампавантам̣, пун̃н̃акаммасаман̇гинам̣;

гандхам̣ гхатва̄на джа̄нанти, пхусито а̄гато идха.

50. ‘‘са̄кха̄пала̄сакат̣т̣ха̄ни, тин̣а̄нипи ча саббасо;

мама сан̇каппаман̃н̃а̄йа, гандхо сампаджджате кхан̣е.

51. ‘‘сатасахассито [саббаттхапи евамева диссати] каппе, чанданам̣ абхипӯджайим̣;

дуггатим̣ на̄бхиджа̄на̄ми, пхуситасса идам̣ пхалам̣.

52. ‘‘пат̣исамбхида̄ чатассо…пе… катам̣ буддхасса са̄санам̣’’.

иттхам̣ судам̣ а̄йасма̄ пхуситакампийо тхеро има̄ га̄тха̄йо абха̄ситтха̄ти.

пхуситакампийаттхерасса̄пада̄нам̣ пан̃чамам̣.

6. пабхан̇караттхераапада̄нам̣

53. ‘‘падумуттарабхагавато, локаджет̣т̣хасса та̄дино;

випине четийам̣ а̄си, ва̄л̣амигасама̄куле.

54. ‘‘на кочи висахи гантум̣, четийам̣ абхивандитум̣;

тин̣акат̣т̣халатонаддхам̣, палуггам̣ а̄си четийам̣.

55. ‘‘ванакаммико тада̄ а̄сим̣, питума̄туматенахам̣ [питупета̄махенахам̣ (сӣ.), пита̄пета̄махенахам̣ (сйа̄.)];

аддасам̣ випине тхӯпам̣, луггам̣ тин̣алата̄кулам̣.

56. ‘‘дисва̄на̄хам̣ буддхатхӯпам̣, гаручиттам̣ упат̣т̣хахим̣;

буддхасет̣т̣хасса тхӯпойам̣, палугго аччхатӣ ване.

57. ‘‘наччханнам̣ наппатирӯпам̣, джа̄нантасса гун̣а̄гун̣ам̣;

буддхатхӯпам̣ асодхетва̄, ан̃н̃ам̣ каммам̣ пайоджайе.

58. ‘‘тин̣акат̣т̣хан̃ча валлин̃ча, содхайитва̄на четийе;

вандитва̄ ат̣т̣ха ва̄ра̄ни [ат̣т̣ха т̣ха̄на̄ни (ка.)], пат̣икут̣ико агаччхахам̣.

59. ‘‘тена каммена сукатена, четана̄пан̣идхӣхи ча;

джахитва̄ ма̄нусам̣ дехам̣, та̄ватим̣самагаччхахам̣.

60. ‘‘таттха ме сукатам̣ бйамхам̣, сован̣н̣ам̣ сапабхассарам̣;

сат̣т̣хийоджанамуббиддхам̣, тим̣сайоджанавиттхатам̣.

61. ‘‘тисата̄ни ча ва̄ра̄ни, девараджджамака̄райим̣;

пан̃чавӣсатиккхаттун̃ча, чаккаваттӣ ахосахам̣.

62. ‘‘бхава̄бхаве сам̣саранто, маха̄бхогам̣ лабха̄махам̣;

бхоге ме ӯната̄ наттхи, содхана̄йа идам̣ пхалам̣.

63. ‘‘сивика̄ хаттхикхандхена, випине гаччхато мама;

йам̣ йам̣ диса̄хам̣ гаччха̄ми, саран̣ам̣ сампате [сиджджхате (ка.)] ванам̣.

64. ‘‘кха̄н̣ум̣ ва̄ кан̣т̣акам̣ ва̄пи, на̄хам̣ пасса̄ми чаккхуна̄;

пун̃н̃акаммена сам̣йутто, сайамева̄панӣйаре.

65. ‘‘кут̣т̣хам̣ ган̣д̣о кила̄со ча, апама̄ро витаччхика̄;

дадду каччху [кан̣д̣у (сйа̄.)] ча ме наттхи, содхана̄йа идам̣ пхалам̣.

66. ‘‘ан̃н̃ампи ме аччхарийам̣, буддхатхӯпасса содхане [буддхатхӯпамхи содхите (сйа̄.)];

на̄бхиджа̄на̄ми ме ка̄йе, джа̄там̣ пил̣акабиндукам̣.

67. ‘‘ан̃н̃ампи ме аччхарийам̣, буддхатхӯпамхи содхите [саббаттхапи евамева диссати, татха̄ упарипи];

дуве бхаве сам̣сара̄ми, деватте атха ма̄нусе.