6. аннасам̣са̄вакаттхераапада̄нам̣

34. ‘‘суван̣н̣аван̣н̣ам̣ самбуддхам̣, гаччхантам̣ антара̄пан̣е;

кан̃чанаггхийасан̇ка̄сам̣, ба̄ттим̣саваралаккхан̣ам̣.

35. ‘‘сиддхаттхам̣ саббасиддхаттхам̣, анеджам̣ апара̄джитам̣;

самбуддхам̣ атина̄метва̄, бходжайим̣ там̣ маха̄муним̣.

36. ‘‘муни ка̄рун̣ико локе, обха̄сайи мамам̣ тада̄;

буддхе читтам̣ паса̄детва̄, каппам̣ саггамхи модахам̣.

37. ‘‘чатуннавутито каппе, йам̣ да̄намададим̣ тада̄;

дуггатим̣ на̄бхиджа̄на̄ми, бхиккха̄да̄нассидам̣ пхалам̣.

38. ‘‘пат̣исамбхида̄ чатассо…пе… катам̣ буддхасса са̄санам̣’’.

иттхам̣ судам̣ а̄йасма̄ аннасам̣са̄вако тхеро има̄ га̄тха̄йо абха̄ситтха̄ти;

аннасам̣са̄вакаттхерасса̄пада̄нам̣ чхат̣т̣хам̣.