9. кандалипуппхийаттхераапада̄нам̣

47. ‘‘синдхуйа̄ надийа̄ тӣре, ахосим̣ кассако тада̄;

паракамма̄йане йутто, парабхаттам̣ апассито.

48. ‘‘синдхум̣ анучарантохам̣, сиддхаттхам̣ джинамаддасам̣;

сама̄дхина̄ нисиннам̣ва, сатапаттам̣ва пуппхитам̣.

49. ‘‘сатта кандалипуппха̄ни, ван̣т̣е чхетва̄нахам̣ тада̄;

маттхаке абхиропесим̣, буддхасса̄диччабандхуно.

50. ‘‘суван̣н̣аван̣н̣ам̣ самбуддхам̣, анукӯле сама̄хитам̣;

тидха̄пабхиннама̄тан̇гам̣, кун̃джарам̣ва дура̄садам̣.

51. ‘‘тамахам̣ упагантва̄на, нипакам̣ бха̄витиндрийам̣;

ан̃джалим̣ паггахетва̄на, авандим̣ саттхуно ахам̣.

52. ‘‘чатуннавутито каппе, йам̣ пуппхамабхиропайим̣;

дуггатим̣ на̄бхиджа̄на̄ми, буддхапӯджа̄йидам̣ пхалам̣.

53. ‘‘пат̣исамбхида̄ чатассо…пе… катам̣ буддхасса са̄санам̣’’.

иттхам̣ судам̣ а̄йасма̄ кандалипуппхийо тхеро има̄ га̄тха̄йо абха̄ситтха̄ти.

кандалипуппхийаттхерасса̄пада̄нам̣ навамам̣.