6. дхӯпада̄йакаттхераапада̄нам̣

161. ‘‘сиддхаттхасса бхагавато, локаджет̣т̣хасса та̄дино;

кут̣идхӯпам̣ майа̄ диннам̣, виппасаннена четаса̄.

162. йам̣ йам̣ йонупападжджа̄ми, деваттам̣ атха ма̄нусам̣;

саббесампи пийо хоми, дхӯпада̄нассидам̣ пхалам̣.

163. ‘‘чатуннавутито каппе, йам̣ дхӯпамададим̣ тада̄ [йам̣ дхӯпанамада̄сахам̣ (ка.)];

дуггатим̣ на̄бхиджа̄на̄ми, дхӯпада̄нассидам̣ пхалам̣.

164. ‘‘пат̣исамбхида̄ чатассо, вимоккха̄пи ча ат̣т̣химе;

чхал̣абхин̃н̃а̄ саччхиката̄, катам̣ буддхасса са̄санам̣’’.

иттхам̣ судам̣ а̄йасма̄ дхӯпада̄йако тхеро има̄ га̄тха̄йо абха̄ситтха̄ти.

дхӯпада̄йакаттхерасса̄пада̄нам̣ чхат̣т̣хам̣.