9. бимбиджа̄лийаттхераапада̄нам̣

30. ‘‘падумуттаро на̄ма джино, сайамбхӯ аггапуггало;

чатусаччам̣ пака̄сети, дӣпети аматам̣ падам̣.

31. ‘‘бимбиджа̄лакапуппха̄ни [бимбаджа̄лакапуппха̄ни (ка.)], путху катва̄нахам̣ тада̄;

буддхасса абхиропесим̣, двипадиндасса та̄дино.

32. ‘‘ат̣т̣хасат̣т̣химхито каппе, чатуро кин̃джакесара̄;

саттаратанасампанна̄, чаккаваттӣ махаббала̄.

33. ‘‘пат̣исамбхида̄ чатассо…пе… катам̣ буддхасса са̄санам̣’’.

иттхам̣ судам̣ а̄йасма̄ бимбиджа̄лийо тхеро има̄ га̄тха̄йо абха̄ситтха̄ти.

бимбиджа̄лийаттхерасса̄пада̄нам̣ навамам̣.