3. нал̣инакесарийаттхераапада̄нам̣

9. ‘‘джа̄тассарасса вемаджджхе, васа̄ми джалакуккут̣о;

аддаса̄хам̣ [атхаддасам̣ (сӣ. сйа̄.)] девадевам̣, гаччхантам̣ анилан̃джасе.

10. ‘‘тун̣д̣ена кесарим̣ [кесарам̣ (сйа̄.)] гайха, виппасаннена четаса̄;

буддхасса абхиропесим̣, тиссасса локабандхуно.

11. ‘‘двенавуте ито каппе, йам̣ пуппхамабхипӯджайим̣;

дуггатим̣ на̄бхиджа̄на̄ми, буддхапӯджа̄йидам̣ пхалам̣.

12. ‘‘тесаттатимхи каппамхи, сатта кесарана̄мака̄ [сатапаттасана̄мако (сӣ. сйа̄.)];

саттаратанасампанна̄, чаккаваттӣ махаббала̄.

13. ‘‘пат̣исамбхида̄ чатассо…пе… катам̣ буддхасса са̄санам̣’’.

иттхам̣ судам̣ а̄йасма̄ нал̣инакесарийо тхеро има̄ га̄тха̄йо абха̄ситтха̄ти.

нал̣инакесарийаттхерасса̄пада̄нам̣ татийам̣.