6. ван̣н̣ака̄раттхераапада̄нам̣

23. ‘‘нагаре арун̣аватийа̄, ван̣н̣ака̄ро ахам̣ тада̄;

четийе дуссабхан̣д̣а̄ни, на̄на̄ван̣н̣ам̣ раджесахам̣ [раджим̣ ахам̣ (ка.), раджемахам̣ (сйа̄.)].

24. ‘‘екаттим̣се ито каппе, йам̣ ван̣н̣ам̣ раджайим̣ тада̄;

дуггатим̣ на̄бхиджа̄на̄ми, ван̣н̣ада̄нассидам̣ пхалам̣.

25. ‘‘ито тевӣсатикаппе, ван̣н̣асама [чандупама (сӣ.), чандасама (сйа̄.)] сана̄мако;

саттаратанасампанно, чаккаваттӣ махаббало.

26. ‘‘пат̣исамбхида̄ чатассо…пе… катам̣ буддхасса са̄санам̣’’.

иттхам̣ судам̣ а̄йасма̄ ван̣н̣ака̄ро тхеро има̄ га̄тха̄йо абха̄ситтха̄ти.

ван̣н̣ака̄раттхерасса̄пада̄нам̣ чхат̣т̣хам̣.