5. рам̣сисан̃н̃акаттхераапада̄нам̣

21. ‘‘удентам̣ сатарам̣сим̣ва, пӣтарам̣сим̣ва [ситарам̣сим̣ ва (сӣ. сйа̄.)] бха̄н̣умам̣;

бйаггхӯсабхам̣ва паварам̣, суджа̄там̣ паббатантаре.

22. ‘‘буддхасса а̄нубха̄во со, джалате паббатантаре;

рам̣се [рам̣сйа̄ (?)] читтам̣ паса̄детва̄, каппам̣ саггамхи модахам̣.

23. ‘‘авасесесу каппесу, кусалам̣ чаритам̣ майа̄;

тена читтаппаса̄дена, буддха̄нуссатийа̄пи ча.

24. ‘‘тим̣сакаппасахассето, йам̣ сан̃н̃амалабхим̣ тада̄;

дуггатим̣ на̄бхиджа̄на̄ми, буддхасан̃н̃а̄йидам̣ пхалам̣.

25. ‘‘саттапан̃н̃а̄сакаппамхи, еко а̄сим̣ джана̄дхипо;

суджа̄то на̄ма на̄мена, чаккаваттӣ махаббало.

26. ‘‘пат̣исамбхида̄ чатассо…пе… катам̣ буддхасса са̄санам̣’’.

иттхам̣ судам̣ а̄йасма̄ рам̣сисан̃н̃ако тхеро има̄ га̄тха̄йо абха̄ситтха̄ти.

рам̣сисан̃н̃акаттхерасса̄пада̄нам̣ пан̃чамам̣.