3. саччасан̃н̃акаттхераапада̄нам̣

11. ‘‘вессабхӯ тамхи самайе, бхиккхусан̇гхапураккхато;

десети арийасачча̄ни, нибба̄пенто маха̄джанам̣.

12. ‘‘парамака̄рун̃н̃апаттомхи, самитим̣ агама̄сахам̣;

сохам̣ нисиннако санто, дхаммамассоси саттхуно.

13. ‘‘тасса̄хам̣ дхаммам̣ сутва̄на, девалокам̣ агаччхахам̣;

тим̣сакаппа̄ни девесу, авасим̣ таттхахам̣ пуре.

14. ‘‘екаттим̣се ито каппе, йам̣ сан̃н̃амалабхим̣ тада̄;

дуггатим̣ на̄бхиджа̄на̄ми, саччасан̃н̃а̄йидам̣ пхалам̣.

15. ‘‘чхаббӣсамхи ито каппе, еко а̄сим̣ джана̄дхипо;

екапхуситана̄мена, чаккаваттӣ махаббало.

16. ‘‘пат̣исамбхида̄ чатассо…пе… катам̣ буддхасса са̄санам̣’’.

иттхам̣ судам̣ а̄йасма̄ саччасан̃н̃ако тхеро има̄ га̄тха̄йо абха̄ситтха̄ти.

саччасан̃н̃акаттхерасса̄пада̄нам̣ татийам̣.