3. кин̇кан̣ипуппхийаттхераапада̄нам̣

10. ‘‘кан̃чанаггхийасан̇ка̄со, саббан̃н̃ӯ локана̄йако;

одакам̣ дахамоггайха, сина̄йи локана̄йако.

11. ‘‘паггайха кин̇кан̣им̣ [кин̇кин̣им̣ (сӣ.)] пуппхам̣, випассисса̄бхиропайим̣;

удаггачитто сумано, двипадиндасса та̄дино.

12. ‘‘еканавутито каппе, йам̣ пуппхамабхиропайим̣;

дуггатим̣ на̄бхиджа̄на̄ми, буддхапӯджа̄йидам̣ пхалам̣.

13. ‘‘саттавӣсатикаппамхи, ра̄джа̄ бхӣмаратхо аху;

саттаратанасампанно, чаккаваттӣ махаббало.

14. ‘‘пат̣исамбхида̄ чатассо…пе… катам̣ буддхасса са̄санам̣’’.

иттхам̣ судам̣ а̄йасма̄ кин̇кан̣ипуппхийо [кин̇кин̣икапуппхийо (сӣ.)] тхеро има̄ га̄тха̄йо абха̄ситтха̄ти.

кин̇кан̣ипуппхийаттхерасса̄пада̄нам̣ татийам̣.