9. ким̣кан̣икапуппхийаттхераапада̄нам̣

47. ‘‘суман̇галоти на̄мена, сайамбхӯ апара̄джито;

павана̄ никкхамитва̄на, нагарам̣ па̄висӣ джино.

48. ‘‘пин̣д̣ача̄рам̣ чаритва̄на, никкхамма нагара̄ муни;

катакиччова самбуддхо, со васӣ ванамантаре.

49. ‘‘ким̣кан̣ипуппхам̣ паггайха, буддхасса абхиропайим̣;

пасанначитто сумано, сайамбхусса махесино.

50. ‘‘чатуннавутито каппе, йам̣ пуппхамабхиропайим̣;

дуггатим̣ на̄бхиджа̄на̄ми, буддхапӯджа̄йидам̣ пхалам̣.

51. ‘‘чхал̣а̄сӣтимхито каппе, апила̄сисана̄мако;

саттаратанасампанно, чаккаваттӣ махаббало.

52. ‘‘пат̣исамбхида̄ чатассо…пе… катам̣ буддхасса са̄санам̣’’.

иттхам̣ судам̣ а̄йасма̄ ким̣кан̣икапуппхийо тхеро има̄ га̄тха̄йо абха̄ситтха̄ти.

ким̣кан̣икапуппхийаттхерасса̄пада̄нам̣ навамам̣.