5. исимуггада̄йакаттхераапада̄нам̣

24. ‘‘удентам̣ сатарам̣сим̣ва, пӣтарам̣сим̣ва [ситарам̣сим̣ва (сӣ.)] бха̄н̣умам̣;

какудхам̣ виласантам̣ва, падумуттарана̄йакам̣.

25. ‘‘исимугга̄ни писитва̄ [исисугга̄ни пим̣сетва̄ (сӣ.), исимуггам̣ нимантетва̄ (сйа̄.)], мадхукхудде анӣл̣аке;

па̄са̄дева т̣хито санто, ада̄сим̣ локабандхуно.

26. ‘‘ат̣т̣хасатасахасса̄ни, ахесум̣ буддхаса̄вака̄;

саббесам̣ паттапӯрентам̣ [паттапӯрам̣ там̣ (сӣ.)], тато ча̄пи бахуттарам̣.

27. ‘‘тена читтаппаса̄дена, суккамӯлена чодито;

каппа̄нам̣ сатасахассам̣, дуггатим̣ нупападжджахам̣.

28. ‘‘чатта̄лӣсамхи сахассе, каппа̄нам̣ ат̣т̣хатим̣са те;

исимуггасана̄ма̄ [махисамантана̄ма̄ (сйа̄.)] те, чаккаваттӣ махаббала̄.

29. ‘‘пат̣исамбхида̄ чатассо…пе… катам̣ буддхасса са̄санам̣’’.

иттхам̣ судам̣ а̄йасма̄ исимуггада̄йако тхеро има̄ га̄тха̄йо абха̄ситтха̄ти.

исимуггада̄йакаттхерасса̄пада̄нам̣ пан̃чамам̣.