8. ман̣ипӯджакаттхераапада̄нам̣

34. ‘‘орена химавантасса, надика̄ сампаваттатха;

тасса̄ ча̄нупакхеттамхи, сайамбхӯ васате тада̄.

35. ‘‘ман̣им̣ паггайха паллан̇кам̣, са̄дхучиттам̣ манорамам̣;

пасанначитто сумано, буддхасса абхиропайим̣.

36. ‘‘чатуннавутито каппе, йам̣ ман̣им̣ абхиропайим̣;

дуггатим̣ на̄бхиджа̄на̄ми, буддхапӯджа̄йидам̣ пхалам̣.

37. ‘‘ито ча два̄дасе каппе, сатарам̣сӣсана̄мака̄;

ат̣т̣ха те а̄сум̣ ра̄джа̄но, чаккаваттӣ махаббала̄.

38. ‘‘пат̣исамбхида̄ чатассо…пе… катам̣ буддхасса са̄санам̣’’.

иттхам̣ судам̣ а̄йасма̄ ман̣ипӯджако тхеро има̄ га̄тха̄йо абха̄ситтха̄ти.

ман̣ипӯджакаттхерасса̄пада̄нам̣ ат̣т̣хамам̣.